| 1. | Pahwel Jesusse Kristusse Apostel / läbbi Jum̃ala Tachtmisse / neile Pöhile / kumma Eweesun omma / nink Uskjille Kristussen Jesussen. |
| 2. | Arm olgo teijega / nink Rauw / Jummalast meije Issast / nink Issandast Jesussest Kristussest. |
| 3. | Jummal nink meije Issanda Jesusse Kristusse Essä olgo kittetu / kä meid om önnistanu kigesuggutze waimolikko Önnistamissega / taiwalikkun Hähn / läbbi Kristusse. |
| 4. | Nida kui temmä meid temmä sissen om erräwallitzenu / enne Ilma Pochjandamist / et meije ollesse pöhä nink laitmatta temmä een Armastamissen. |
| 5. | Nink om meie ette erräsähdnu Latzeussesz / Jesusse Kristusse läbbi henne wasta / omma Tachtmisse Meelehäh perrä / |
| 6. | Omma Auwustusse Armo Kittussesz / kumma läbbi temmä meid om wastawötlikkusz tennu Arman: ) |
| 7. | Kumman meil Erräluhnastamist om läbbi temmä Werre / Pattuandisandmist / temmä Armo Rikkusse perrä: |
| 8. | Mes meile rikkalikkult om sahnu / kigen Tarkussen nink Moistussen: |
| 9. | Nink om meile teedä andnu omma Tachtmisse Sallaust / omma häh Meele perrä / kumba temmä sensamman om ette wötnu: |
| 10. | Et seddä piddi kuhlutetama Aja Täwweussen / et kik Kristussen sahsz üttewoetus / mes Taiwan nink Mah pähl om: |
| 11. | Läbbi se / kumman meijeke olleme Perrändäjisz sahnu / kumma enne olleme erräsäetu se Ettewötmisse perrä / kä kik omma Tachtmisse Nouw perrä tallitab: |
| 12. | Et meije ollesse temmä Auwustusse Kittus / kumma enne Kristusse pähle olleme lohtnu: |
| 13. | Kumma läbbi teije kah ollete kuhlu Töisidusse Sönna / Armo Oppust meije Önnistussest: Kumman teije kah / kui teije ollete usknu / ollete kui Pitzatiga kinnitetu Towotusse pöhä Waimuga: |
| 14. | Kumb om meije Perrändusse Kichl / temmä Ommandusse Luhnastamissesz / temmä Auwustusse Kittussesz. |
| 15. | Seperräst / kui minna kah olle kuhlu seddä Usku / kumb teije man om / Issanda Jesusse sisse / nink seddä Armo / kumba teil kike Pöhide wasta om / |
| 16. | Sis ei jättä minna mitte maha teije eest tennädä / nink mälletä teid ommin Palwussin: |
| 17. | Et meije Issanda Jesusse Kristusse Jummal / se Auwustusse Essä / teile annasz Tarkusse nink Awwaldamisse Waimo omman Tundmissen: |
| 18. | Nink teije Moistusse walgustetu Silmi / et teije tunnesse / mähräne temmä Kutzmisse Lohtus / nink mähräne temmä Auwustusse Perrändusse Rikkus olnes Pöhin: |
| 19. | Nink mähräne temmä Wäe ülleüldlik Suhrus meije wasta olnes / kumma ussume temmä wäggewä Kangusse Tallitamisse perrä / |
| 20. | Kumba temmä Kristussen om tennu / kui temmä teddä Kohljist om ülles errätänu: Nink om̃ale hähle Käele istotanu Taiwan / |
| 21. | Ülle kige Pähliko Walla nink Woimusse / nink Wäe / nink Essandusse / nink ülle kige Nimme / kumbe ützindä ei nimmitetä sensinatzen / enge kah tullewatzen Ilman. |
| 22. | Nink temmä om kik temmä Jalgu alla pannu / nink teddä Pähsz sähdnu Koggodusselle ülle kige / |
| 23. | Kumb om temmä Iho / se Täwweus / kä kik kigin teüdäb. |
| 1. | Nink kah teid / kumma ollite kohlu Ülleastmissen nink Pattun: |
| 2. | Kummin teije muste ollete keünu / sesinatze Ilma Wihsi perrä / se Pähliko perrä / kä Tuhlen wallitzeb / se Waimo perrä / kä nühd omma Töhd tallitab Umbussu Laste sissen / |
| 3. | Kumbe seän meije kah kik ennemuste olleme keünu / omma Leha Himmun / Leha nink Mötte Tachtmist tetten: Nink ollime Lohmust Weha Latze / nida kui muhke: |
| 4. | Ent Jummal / kä rikkas om Armust / se om läbbi omma suhre Armo / kummaga temmä meid om armastanu / |
| 5. | Kui meije kohlu ollime Pattun / meid Kristussega üttelisse elläwäsz tennu: (Armust ollete önsasz sahnu:) |
| 6. | Nink om meid üttelisse ülleserrätänu / nink üttelisse taiwalikko Ollemisse sisse sähdnu / Kristussen Jesussen: |
| 7. | Et temmä tullewatzil Ajul üllesneüdäsz omma Armo ülle üldlikko Rikkust / Heldussen meije ülle / Kristussen Jesussen: |
| 8. | Sest Armust ollete önsasz sahnu / läbbi Ussu: Nink se ei olle mitte teist: Se om Jummala Ande: |
| 9. | Eimitte Teust / et hendä keäke es kittäsz. |
| 10. | Sest meije olleme temmä Töh / Kristussen Jesussen hähle Teggole lohdu / kummille meid Jummal ette om erräwalmistanu / et meije neide sissen keüsse. |
| 11. | Seperräst mötlege se pähle / et teije / kumma ennemuste Leha perrä ollete Paggana olnu / n. kutzutite Eennahasz neist / kumbe Ümbreleikamissesz ütteldäs Leha perrä / mes Käega sünnib: |
| 12. | Et teije tolsammal Ajal ilma Kristusseta ollite / kawwen Israeli Koddaniko Kochtust / nink wöhra Towotusse Leppingust / kummil Lohtust es olle / nink ollite ilma Jummalata Ilman: |
| 13. | Ent nühd ollete Kristussen Jesussen / teije / kumma ennemuste kawwen ollite / ollete lähüde sahnu / läbbi Kristusse Werre. |
| 14. | Sest temmä om meije Raho / kä möllembid üttesz om tennu / n. om seddä Wahe-Aida / mes waijel olli / erräkisknu: |
| 15. | Et temmä läbbi omma Leha Waino erräwöt / Kässu Sähdust / kumb Kombin saisati: Et temmä neid katz hennesen üttesz wastsesz Innimissesz lohsz / nink Rauwo tehsz / |
| 16. | Nink möllembid Jummalaga erräleppitäsz ütten Ihun / läbbi Risti / nink om Waino errätapnu / temmä küllen. |
| 17. | Nink temmä om tullen Raho kuhlutanu teile / kumma kawwen ollite / nink neile / kumma lähükessen omma: |
| 18. | Et meil temmä läbbi möllembil Mannuminnekit om / ütten Waimun / Essä mannu. |
| 19. | Sis ei olle teije nühd ennämb Wöhra / nink Küllälisse / enge Pöhide Kahskoddaniko / nink Jummala Perre: |
| 20. | Apostle nink Proweete Pochja pähle ülles tettu / kun Jesus Kristus essi Nulga Kiwwi om: |
| 21. | Kumman terwe Kodda ütte om lihdetu / nink kaswab pöhäsz Koasz / Issandan: |
| 22. | Kumma pähl teideke ülles tettäs Jummala Hohnesz Waimun.) |
| 1. | Seperräst (olle) minna Pahwel Kristusse Jesusse Wang / teije Pagganide eest: |
| 2. | Kui teije ennege ollete kuhlu Jummala Armo Wäljäjaggamist / mes mulle teije mannu om antu: |
| 3. | Et mulle se Sallaus läbbi Awwaldamisse om teedä sahnu / nida kui minna enne weitziga olle kirjotanu: |
| 4. | Kummast teije luggeden minno Meeld Kristusse Sallaussen woide moista: |
| 5. | Kumb muil Pölwil Innimiste Latzille ei olle teedä sahnu / nida kui se nühd om awwaldetu temmä pöhile Apostlile nink Oppetajille / läbbi Waimu: |
| 6. | Et Paggana omma Kahsperrändäjä / nink ütteiholisse / nink kah temmä Towotusse Ossalisse Kristussen / läbbi Armo Oppusse: |
| 7. | Kumma Sullasesz minna olle sahnu / Jummala Armo Ande perrä / mes minnole temmä Wäe Tallitamisse perrä om antu. |
| 8. | Mulle / kige wähembälle kike Pöhide seän / om sesinane Arm antu / Pagganide seän Kristusse erräjuhrdlematta Rikkust kuhlutada / |
| 9. | Nink kik walgustada / mähräne se Sallausse Ossaus olnes / kumb mitmast Ajast sahni Jummalan om erräpeedetu olnu / kä kik Jesusse Kristusse läbbi om lohnu. |
| 10. | Et Jummala mitmasuggune Tarkus teedä sahsz Pähliko Wallale / nink Woimussil Taiwan / läbbi Koggodusse: |
| 11. | Se iggawetze Ettewötmisse perrä / kumba temmä om tennu Kristussen Jesussen meije Issandan. |
| 12. | Kumman meil om Julgust nink Mannuminnekit kigen Lohtussen läbbi Ussu temmä sisse. |
| 13. | Seperräst palle minna / et teije errä ei wässi / minno Willitzussen teije eest / kumb teije Auw om. |
| 14. | Seperräst kummarda minna omma Pölwe meije Issanda Jesusse Kristusse Essa pohle / |
| 15. | Kä kike öige Essä om / mes Latzisz nimmitetäsz Taiwan nink Mah pähl / |
| 16. | Et temmä teile annasz / omma Auwustusse Rikkusse perrä / Wäega kangesz sahda / läbbi temmä Waimo / sisselissest Innimissest: |
| 17. | Et Kristus läbbi Ussu teije Söamin elläsz: |
| 18. | Et teije ollesse läbbi Armo juhretetu nink pochjandetu: Et teije woisse moista / kike Pöhidega / mähräne se Laijus / nink Pikkius / nink Süwwius / nink Körgeus olnes / |
| 19. | Kah tutta Kristusse Armo / kumb kige Tundmisse ülle lät: Et teid teüdetäsz kige Jummala Täwweussega. |
| 20. | Ent selle / kä ülle kige ülleüldlikkult woib tettä / mes meije palleme echk moistame / se Wäe perrä / kumb meije sissen wäkkew om / |
| 21. | Selle olgo Auw Koggodussen / läbbi Kristusse Jesusse / eggäl Ajal /iggawest iggawetzel Ajal. Amen. |
| 1. | Sis mannitze minna teid nühd / minna Keüdetu Issandan / et teije nida keüde / kui teije Kutzmissel sünnis / kumman teije ollete kutzutu / |
| 2. | Kige Allandusse nink Tassausse ga / Pikkämeelega / nink sallige töine töist Armun: |
| 3. | Nink olge ussina Waimo Ütteust piddämä / läbbi Raho Keüdüsse. |
| 4. | Ütz Iho nink ütz Waim / nida kui teije kah ollete kutzutu / teije Kutzmisse ütten Lohtussen. |
| 5. | Ütz Issand / ütz Usk / ütz Ristminne: |
| 6. | Ütz Jummal nink kike Essa / kä om ülle kige / nink läbbi kige / nink teije kike sissen.) |
| 7. | Ent meist om eggaüttele Armo antu / Kristusse Ande Möhdo perrä. |
| 8. | Seperräst ütleb temmä: Temmä om Körgette ülles minnen Wangi Torni Wangi wihnu / n. Innimistille Andid andnu. |
| 9. | Ent et temmä ülles om lännu / mes se muido om / kui et temmä enne om allalännu kige allumatze Mah Paiku sisse? |
| 10. | Kä alla om lännu / se om sesamma / kä ülles om lännu ülle kik Taiwa / et temmä kik teüdäsz. |
| 11. | Nink temmä om sähdnu mönd Apostlisz / mönd Kirjaselletäjisz / mönd Röhmu Kuhlutajisz / mönd Karjussisz nink Oppetajisz / |
| 12. | Et Pöhi säetäsz se Ammeti Töhle / kumma läbbi Kristusse Iho peäb ülles tettämä: |
| 13. | Senni kui meije kik tulleme üttesuggutze Ussu / nink Jummala Poja Tundmisse mannu / täwwesz Mehesz / Kristusse täwwelikko Kaswu Möhdu mannu: |
| 14. | Et meije ennämb ei olle Latze / nink ei lasse hendä hällitädä / nink ümbreajada kigest Oppusse Tuhlest / läbbi Innimiste Kawwalusse nink Pettusse / kummaga nemmä meid pühdwä pettä: |
| 15. | Ent olgem töisitze Armun / nink kaswakem kigin tem̃ä sissen / kä Päh om / Kristus: |
| 16. | Kummast kik se Iho om kokko pantu / nink ütte lihdetu / läbbi kik Jakko / kummist töine töist awwitab eggäütte Ossa Teggemisse perrä / omman Möhdun / nink tehb / et Iho kaswab hennele Parrandamissesz / Armun. |
| 17. | Sis ütle minna nühd / nink tunnista seddä Issandan / et teije ennämb nida ei keü / kui töise Paggana keüwä / omma Meele Tühiussen / |
| 18. | Kumma omma Moistussen erräpimmestu / nink kawwen Jummala Ellust / läbbi Rummalusse / kumb neide sissen om / neide Söäme Kallestusse perräst. |
| 19. | Kumma perräst seddä / kui nemmä omma Wallotummasz lännu / hendä omma errä andnu Türakusselle / kigesuggust Rojust tallitama Achnussega. |
| 20. | Ent teije ei olle Kristust nida mitte opnu: |
| 21. | Kui teije teddä ennege ollete kuhlnu / nink temmä sissen ollete oppetetu / nida kui Töttet Jesusse sissen om: |
| 22. | Sis sünnis teil nühd henne pählt errä heitä / entzi Keügi perrä / wanna Innimist / kä läbbi petlikko Himmo hendä errärikkub: |
| 23. | Ent sahge wastsesz omma Meele Waimun / |
| 24. | Nink tömbke wastset Innimist henne pähle / kumb Jummala perrä om lohdu / töttelikkun Öigussen nink Pöhäussen. |
| 25. | Seperräst jätke maha Wallet / nink pajatage Töttet / eggäütz omma Lähembäga: Sest et meije olleme töine töise Luhlihkmisse. |
| 26. | Wehastelge / nink erge patke mitte: Erge laske Päiwä maha minna ülle omma Weha: |
| 27. | Erge andke kah Mahd Kurratille. |
| 28. | Kä warrastanu / se erräwarrastago ennämb / enge tekko parrembide Töhd / nink sahtko Kässiga Hähd / et tel ollesz anda selle / kel waja om.) |
| 29. | Ützike tühi Sönna errä tulgo teije Suhst wäljä: Enge mes häh om Parrandamissesz / kui seddä waja om / et se Armo tohb neile / kumma seddä kuhlwa. |
| 30. | Nink erge kurbastage mitte Jummala pöhä Waimo / kummaga teije kui Pitzatiga ollete kinnitetu / Erräluhnastamisse Peiwäni. |
| 31. | Kik Mörrous / nink kurri Meel / nink Weha / nink Hölli / nink Teotaminne / olgo kawwen teije mant / kige Kurjussega. |
| 32. | Ent olge töine töise wasta söbbralikko / söämelikko / nink andke töine töisele andis / nida kui kah Jummal Kristussen teile om andisandnu. |
| 1. | Sis olge nühd Jummala Mährdlejä / ni kui arma Latze: |
| 2. | Nink keüge Armun / nida kui kah Kristus meid om armastanu / nink hendä essi meije eest erräandnu / Andesz nink Owwrisz Jummalalle / maggusasz Haisusz. |
| 3. | Ent Portus nink kiggesuggune Rojus echk Achnus / errä sahgoke nimmitetus teije seän / nida kui Pöhil sünnis: |
| 4. | Ei kah Häutus / ei kah hul Könne / echk Naljaheitminne / kumma ei sünni: Enge paljo ennämbest Tennäminne. |
| 5. | Sest se olgo teil teedä / et ütteleke Portjal / echk Rojatzel / echk Achnel / kä om Währ-Jummala Orjaja / ei olle mitte Perrändust Kristusse nink Jummala Rikkussen. |
| 6. | Keäke erräpetko teid tüchjätze Sönnuga: Sest neide läbbi tulleb Jummala Weha Umbussu Laste pähle. |
| 7. | Seperräst erge olge mitte neide Ossalisse. |
| 8. | Sest teije ollite ennemuste Pimmedus / ent nühd ollete Walgus Issandan: Keüge kui Walgusse Latze: |
| 9. | (Sest Waimo Suggu om kigesuggune Heldus / Öigus nink Tötte:)) |
| 10. | Nink kiusage / mes Issanda Meele perräst om. |
| 11. | Nink erge olge ossalisse suggutama Pimmedusse Teust / ent nuchtlege neid ennämbest: |
| 12. | Sest mes neist sallajalt sünnib / se om kah Häbbi ütteldä. |
| 13. | Ent se sahb kik awwalikkusz / kui seddä Walgest noheldas. Sest kik mes awwalik om / se om Walge. |
| 14. | Seperräst ütleb temmä: Wirgo ülles / kä makkat / nink tösse ülles Kohljist / sis sahb Kristus sinno walgustama. |
| 15. | Sis kajege nühd / et teije targalikkult keüde: Eimitte kui Rummala / enge nida kui Targa: |
| 16. | Piddäge Aiga kallisz: Sest Aig om kurri. |
| 17. | Seperräst erge olge rummala / enge moistliko / mes Issanda Tachtminne olnes. |
| 18. | Nink erge johge hendä teüs Wihna / kummast tigge Ello tösses / enge sahge teüs Waimo: |
| 19. | Nink pajatage töine töise seän Laulust nink Kittusse Luust / nink waimolikkust Laulust: Laulke nink mänke Issandalle omman Söamen: |
| 20. | Nink tennäge ikkes kige eest / meije Issanda Jesusse Kristusse Nimmel / Jummalat nink Essä: |
| 21. | Nink olge töine töiselle allaheitlikko Jummala Peljun.) |
| 22. | Naise olge allaheitlikko ommile Mehstelle / kui Essandalle: |
| 23. | Sest Mehs om Naise Päh / nida kui kah Kristus om Koggodusse Päh: Nink temmä om omma Iho Önnisteggijä. |
| 24. | Ent ötze kui Koggodus Kristussel om allaheitlik / nida kah Naise ommile Mehstelle / kigin Asjun. |
| 25. | Mehe armastage omme Naisi / nida kui kah Kristus om armastanu Koggodust / nink om hendä essi se eest erräandnu: |
| 26. | Et temmä seddä pöhändäsz / pohasten läbbi Wee Wichtmisse Sönnan: |
| 27. | Et temmä teddä hennele essi säesz auwolikkusz / Koggodussesz / kummal ei olle Wikka / echk Käbbärät / echk muido sähräst / enge et temmä ollesz pöhä nink laitmatta. |
| 28. | Nida omma Mehe wölgo omme Naisi armastada / kui omma Iho: Kä omma Naist armastab / se armastab hendä essi. |
| 29. | Sest keäke ei olle eäle omma Leha wichkanu / enge temmä toidab nink hählitzeb teddä / nida kui kah Issand Koggodust: |
| 30. | Sest meije olleme temmä Iho Luhlihkmisse / temmä Lehast / nink temmä Luist. |
| 31. | Seperräst sahb Inniminne omma Essä nink Emmä maha jätmä / nink omma Naise mannu jähmä / nink ne katz sahwa ollema ütz Leha. |
| 32. | Sesinane Sallaus om suhr: Ent minna ütle Kristussest nink Koggodussest. |
| 33. | Seperräst kah teije / eggaütz ommalt Kottalt / armastage omma Naist / kui hendä essi: Ent Naine pelgägo Mehst. |
| 1. | Latze kuhlge omme Wannambid / Issandan: Sest se om öige. |
| 2. | Auwusta omma Essä nink Emmä: (Se om eesmänne Käsk / kummal Towotust om:) |
| 3. | Et sinno Kässi häste keüsz / nink sinno Iggä pik ollesz Mah pähl. |
| 4. | Nink Wannamba erge kihotage omme Latzi Wehale / enge kaswatage neid Karristamissen nink Issanda Mannitzemissen. |
| 5. | Sullase kuhlge omme iholikko Essandid / Peljo nink Wärrisemissega / omma Söame Waggaussen / kui Kristust: |
| 6. | Ei ützindä Silmi een orjaten / kui Innimiste Meeleperräst olla / enge nida kui Kristusse Sullase / Hengest Jummala Tachtmist tetten / |
| 7. | Ötze kui orjasse teije häh Meelega Issandat / nink eimitte Innimissi: |
| 8. | Nink teedke / et mes Hähd eggaütz sahb teggemä / seddä sahb telle tassotama Issandast / olgo Sullane / echk Wabbandik. |
| 9. | Nink Essanda tekke kah seddäsamma neide wasta / nink jätke maha Ähwwärdämist: Nink teedke / et teil hennel kah Essandat om Taiwan / nink temmä man ei olle Suhrusse Kajemist. |
| 10. | Pähle se / minno Welle / olge kange Issandan / nink temmä Wäe Kangussen: |
| 11. | Wötke henne pähle kik Jummala Söarihsto / et teije woisse saista Kurrati kawwala Tabbalemisse wasta: |
| 12. | Sest meil ei olle mitte Tapplemist Leha nink Werre wasta / enge Pählikuide Walla nink Woimusside wasta / sesinatze Ilma Pimmedusse Essandide wasta / waimolikko Kurjusse wasta / taiwalikkun Asjun. |
| 13. | Seperräst wötke kik Jummala Söarihsto / et teije köchtate wasta saista kurjal Peiwäl / nink kik errätallitada / nink saisma jähdä. |
| 14. | Sis saiske nühd / omma Nimmise ümbre wöhtu Töttega / nink Öigusse Raudreiwaga ehhitetu / |
| 15. | Nink kängitu Jalgu ga / walmi Raho kuhlutama: |
| 16. | Kige Asja eest wötke Ussu Kilpi / kummaga teije woide erräkistotada kik se Kurja tullitzid Nohli: |
| 17. | Nink wötke Önsusse Raudkübbäret / nink Waimo Möhka / kumb om Jummala Sönna: ) |
| 18. | Nink pallege eggäl Ajal Palwusse n. Pallemisse ga Waimun / nink walwke sesamma perräst / kige Pähleajamisse nink Palwusse ga kike Pöhide eest / |
| 19. | Nink minno eest / et mulle antasz Sönna / julge Suh awwamissega Armo Oppusse Sallaust kuhlutada / |
| 20. | Kumma Käsk minna olle Ahilan / et minna sensamman julgede pajatasz / nida kui mul sünnis könnelda. |
| 21. | Ent et teije kah tijässe / kuitao minnoga Järg om / mes minna teh / sis sahb teile kik teedä andma Tijikus / se armas Welli / nink ussutaw Sullane Issandan: |
| 22. | Kumba minna seperräst teije mannu olle lähätänu / et teije tijässe / kuitao meije Kässi keüb / nink et temmä teije Söamid röhmustasz. |
| 23. | Raho olgo Wellitzil / nink Arm Ussuga / Jummalast Issast / n. Issandast Jesussest Kristussest. |
| 24. | Arm olgo kike ga / kumma meije Issandat Jesust Kristust öigede armastawa. Amen. |
