| 1. | Pahwel Jummala Sullane / ent Jesusse Kristusse Apostel / Jummala Erräwallituide Ussu perrä / nink Tötte Tundmisse perrä / kumb om Jummala Orjusse man: |
| 2. | Iggawetze Ello Lohtmissen / kumba Jummal / kä ei woi walletada / om towotanu / enne Ilma Aiga |
| 3. | Ent ommal Ajal omma Sönna awwaldanu / läbbi Juttusse / kumb mulle om ussutu / Jum̃ala meije Önnisteggijä Käskmisse perrä: |
| 4. | Titulle minno öigele Pojale / meije möllemba Ussu perrä: Armo / Hallestust / Rauwo Jummalast Issäst / nink Issandast Jesussest Kristussest / meije Önnisteggijäst. |
| 5. | Seperräst jätti minna sinno Kreetahe / et sinna seddä / mes weel puhdu / täwwest errätallitasz / nink Lihnu möhdä Wannambid säesz / nida kui minna sinno olle käsknu: |
| 6. | Kä laitmatta om / ütte Naise Mehs / kel usklikko Latze omma / kumbe pähl Prasmisse echk Kangekahlusse perräst Kaibust ei olle. |
| 7. | Sest Pihskop peäb laitmatta ollema / kui Jummala Majapiddäjä / ei mitte ommameelelinne / ei kah wehane / ei kah Johdik / ei kah Tappleja / ei kah häüto Kaswu wötja: |
| 8. | Enge Wöhra wastawötja / Häh Armastaja / parras / öige / pöhä / pohas: |
| 9. | Kä hendä kinni peäb töttelikkust Sönnast Oppusse perrä / et temmä kah wäkkew ollesz terwelikkun Oppussen mannitzema / nink Wastapannejid nuchtlema. |
| 10. | Sest paljo omma kah wallato / Sorriko / nink Petjä / essi errälikkult ne / kumma Ümbreleikamissest omma: |
| 11. | Kummil Suh peäb kinnisulletama: Kumma terwe Maiju erräkähndwä / nink oppetawa mes ei sünni / tiggeda Kaswu perräst. |
| 12. | Ütz neist / neide omma Proweet om üttelnu: Kreetalisse omma ikkes Wölsja / kurja Töppra / nink laisa Kötto. |
| 13. | Sesinane Tunnistus om töisi: Se Asja perräst nuchtle sinna neid kangest / et nemmä Ussun terwe omma: |
| 14. | Nink tähele ei panne Judaliste Jutto nink Innimiste Käsku / kumma Töttest omma erräkähntu. |
| 15. | Puchtal om kik pohas: Ent rojatzil nink Umbusklikkuil ei olle middäke pohas / enge neide Meel nink Süddäme Teedminne om rojane. |
| 16. | Nemmä ütlewä hendä Jummalat tundwat / ent Töhga salgawa nemmä teddä errä / sest et nemmä hirmsa nink ilmsönnawötlikko omma / nink kigele hähle Töhle ei kölba. |
| 1. | Ent sinna könnele nida / kui terwelikkul Oppussel / sünnis. |
| 2. | Et Wannamba peäwä ollema kaine / ausalikko / parra / terwe Ussun / Armun / Kannatussen. |
| 3. | Selsammal kombel et wanna Naise hendä peäwä piddämä / nida kui Pöhil sünnis / et nemmä ei olle Teotaja / ei kah Johdiko / (enge) häh Oppetaja / |
| 4. | Et nemmä Nohri oppetasse parra ollema / omme Mehi armastama / Latzi armasz piddämä / |
| 5. | Tassatze / puchta / hohlikko / waa / ommille Mehstelle allaheitliko ollema / et Jummala Sönna ei teoteta. |
| 6. | Nida mannitze sinna kah Nohri Mehi parra olla. |
| 7. | Säe hendä essi kigin häh Teo Eenkojusz / Kawwalata Oppussega / Auwga: |
| 8. | Önsalikko nink laitmatta Sönnaga / et Wastapannejal Häbbi sahsz / nink et tel middäke es ollesz / teist Kurja pajatada. |
| 9. | Sullasid lasse ommil Essandil allaheitlikko olla / kigen Meeleperrälisse olla / nink ei mitte wasta panna: |
| 10. | Ei kah middäke erräkisku / enge kik hähd Usku üllesneütä: Et nemmä kigin Jummala meije Önnisteggija Oppust ehhitässe. |
| 11. | Sest Jummala önsalik Arm om hendä kigille Innimistille ilmotanu: |
| 12. | Nink karristab meid / et meije peäme erräsalgma Jummalawallato Ollemist / nink ilmlikko Himmu / nink parraussi / öigede nink Jummalapelglikkult sensinatzen Ilman ellämä: |
| 13. | Önsalikko Lohtust / nink se suhre Jummala nink meije Önnisteggijä Jesusse Kristusse Auwustusse Awwaldamist ohten: |
| 14. | Kä hendä essi meije eest om andnu / et temmä meid erräluhnastasz kigest Üllekochtust / nink hennele essi Rachwast pohastasz Ommandussesz / kumb ussin ollesz hähle Töhle.) |
| 15. | Seddä pajata sinna / nink mannitze / nink nuchtle kige Käskmissega. Keäke errä pölgo sinno. |
| 1. | Algata neide Meelde / Pählikuil nink Üllembil allaheitlikko nink sönnawötlikko olla / nink kigele hähle Töhle walmi olla: |
| 2. | Ei keddäke teotada / ei kah rijeldä / (enge) tassaze olla / nink kik Hiljameeld kike Innimiste wasta üllesneütä. |
| 3. | Sest meije ollime kah ennemuste rummala / ilmsönnawötlikko / Esjä / nink orjsime Himmo nink mitmasukku LehaTachtmist / Kurjussen nink Kaddeussen köndin / Wichkamisse währt ollen / n. wichksime töine töist: |
| 4. | Ent kui Jummala meije Önnisteggijä Heldus nink Arm hendä neüt / |
| 5. | Eimitte se Öigusse Töh perräst / kumbe meije olleme tennu / enge omma Hallestamisse perrä om tem̃ä meid önsasz tennu / läbbi Jällesündmisse Wichtmisse / n. pöhä Waimo Wastseteggemisse: |
| 6. | Kumba temmä rikkalikkult meije pähle om wäljä kallanu / läbbi Jesusse Kristusse meije Önnisteggijä: |
| 7. | Et meije temmä Armust öigesz tettu / iggawetze Ello Perrändäjisz sahsse Lohtusse perrä. |
| 8. | Se om töttelik Sönna: Nink seperräst taha minna / et sa seddä kinnitäsz / et ne / kumma Jummala sisse omma usklikkusz sahnu / ussinaste hähn Töhn eensaisasse: Se om Innimissil häh nink tarwis. |
| 9. | Ent hullo Küssimissi / nink Pölwearwamissi / nink Törra / nink Sähdusse Rihda taggane sinna: Sest nemmä ei kölba / nink omma tüchjä. |
| 10. | Kawwalusklikko Innimisse eest hoija sa hendä / ütte echk töise Mannitzemisse perrä: |
| 11. | Nink tijä / et nisuggune om erräkähntu / nink tehb Pattu / nink om hendä essi erräsundnu. |
| 12. | Kui minna Artemast echk Tijikust sah sinno mannu lähätämä / sis rühi Nikopolehe minno mannu tulla: Sest minna olle henne ette wötnu / sinnä ülle Talwe jähdä: |
| 13. | Zenat Sähdusse Oppetajat nink Apollut sahda sinna ussinaste errä / et neil middäke ei puu. |
| 14. | Ent meije Ommatze opke kah hähn Töhn eensaisma / kui neid waja om / et nemmä sugguta ei olle. |
| 15. | Kik terwitäwä sinno / kumma minnoga omma. Terwitä neid / kumma meid armastawa Ussun. Arm olgo teije kikega. Amen. |
