1. | Pahwel Jesusse Kristusse Apostel / läbbi Jum̃ala Tachtmisse / nink Timoteus Welli / |
2. | Kolussun ollewille Pöhile nink usklikkuile Wellitzille Kristussen: Arm olgo teije ga / nink Rauw Jummalast meije Issäst / nink Issandast Jesussest Kristussest. |
3. | Meije tennäme Jummalat nink meije Issanda Jesusse Kristusse Essä / ikkes teije eest Palwust pitten: |
4. | Kui meije olleme kuhlnu teije Ussust Kristussen Jesussen / nink Armust kike Pöhide wasta / |
5. | Se Lohtusse perräst / mes teile Taiwan om tallele pantu / kumba teije enne ollete kuhlnu Armo Oppusse Tötte Sönnan / |
6. | Kumb teije mannu om tulnu / nida kui kah kige Ilma sisse: Nink om suggulik / ötze kui teijeke seän / tohst Peiwäst sahni / kummal teije ollete kuhlnu nink tundnu Jummala Armo Tötten / |
7. | Nida kui teije kah Epawrast meije armsast Kahs-Sullasest ollete opnu / kumb om ussutaw Kristusse Sullane teije eest: |
8. | Kä meile kah om teedä andnu teije Armastamist Waimun. |
9. | Seperräst kah meije / sest Peiwäst / kui meije seddä olleme kuhlnu / ei jättä mitte maha teije eest Palwust piddädä / n. pallelda / et teid teüdetäsz tem̃ä Tachtmisse Tundmissega / kigen Tarkussen n. waimolikkun Moistmissen: |
10. | Et teije nida keüsse kui sünnis Issandalle / kigesz Meelehähsz / nink suggulikko ollesse kigen hähn Töhn / nink kaswasse Jummala Tundmissen / |
11. | Nink kige Wäega wäggewäsz lähsse / temmä Auwustusse Kangusse perrä / kigen Kannatussen nink Pikkämeelen / Röhmuga: |
12. | Seddä Essä tennäden / kä meid om kölblikkusz tennu Pöhide Perrändusse Ossale Walgussen: |
13. | Kä meid Pimmedusse Woimussest om erräpästnu / nink ümbre istotanu omma arma Poja Rikkusse sisse / |
14. | Kumman meil om Erräluhnastamist / läbbi temmä Werre / Pattu Andisandmist:) |
15. | Kä om nägemättä Jummala Kojo / Ennesündinu kigest Lohdussest: |
16. | Sest temmä sissen om kik lohdu / mes Taiwan nink Mah pähl om / mes nättä / nink mes näggemättä om / olgo Järje echk Essandusse /echk Pähliko Walla / echk Woimussse: Kik om läbbi temmä nink temmäle lohdu: |
17. | Nink temmä om enne kige / nink kik saisatab temmä sissen: |
18. | Nink temmä om Iho / (se om) Koggodusse Päh / kumb om Algminne nink Ennesündinu Kohljist / et temmä kigin eesmänne ollesz: |
19. | Sest se om (Essä) Meele perräst olnu / et kik Täwweus temmä sissen elläsz: |
20. | Nink et läbbi temmä temmäle kik sahsz erraleppitetus / olgo Mah pähl / echk Taiwan / kui temmä om Raho tennu läbbi Werre temmä Risti küllen / läbbi temmä. |
21. | Nink temmä om teid / kumma ennemuste wöhra nink Wainlasse ollite / läbbi Moistusse kurjan Töhn / nühd erräleppitänu / |
22. | Omma Leha Ihun / läbbi Surma / et temmä teid pöhä / nink laitmatta / nink weata henne ette säesz: |
23. | Kui teije ennege Usku jähde / pochjandetu nink kindmä / nink ei lasse hendä erräkähndä Armo Oppusse Lohtussest / kumba teije ollete kuhlnu / kumb om juttustetu kige Lohdusse seän / mes Taiwa al om: Kumma Sullasesz minna Pahwel olle sahnu. |
24. | Nühd olle minna röhmsa omman Kannatussen teije perräst / nink teüdä Kristusse Willitzusse Puhdust omman Lehan / temmä Iho eest / kumb om Koggodus: |
25. | Kumma Sullasesz minna olle sahnu / Jummala Tallitamisse perrä / kumb mulle teije mannu om antu / Jummala Sönna teütä: |
26. | Seddä Sallaust / kumb mitmast Ajast nink Pölwest sahni om erräpeedetu olnu / ent nühd temmä Pöhile awwaldetu: |
27. | Kummille Jummal om tachtnu teedä anda / mähräne sesinatze Sallausse Auwustusse Rikkus olnes Pagganide seän / kumb om Kristus teije seän / se Auwustusse Lohtus: |
28. | Kumba meije kuhlutame / eggäütte Innimist mannitzeten / nink eggäütte Innimist kigen Tarkussen oppeten / et meije eggaütte Innimist täwwelikkult ette säesse Kristussen Jesussen: |
29. | Kumma pähle minna kah Töhd teh / sesamma Tallitamisse perrä tappelden / kä wäggewäst minno sissen Töhd tehb. |
1. | Sest minna taha / et teije peäte teedmä / mähräst Tapplemist mul teije perräst om / nink neide perräst / kumma Laodizean omma / nink mitto minno Palget Lehan ei olle nännu: |
2. | Et neide Söamid mannitzetasz / nink üttewoetasz Armun / nink kigesz täwwelikko Moistusse Rikkussesz / Jummala nink Issa nink Kristusse Sallaust tutta: |
3. | Kumman kik Tarkusse nink Tundmisse Warra omma erräpeedetu. |
4. | Ent minna ütle seddä / et teid keäke errä ei pettä kunstliko Sönnuga. |
5. | Sest echk minna kül Leha perrä sählt errä olle / siski olle minna Waimun teije man / olle röhmsa nink näe teije Körda / nink teije Ussu Kinnitust Kristusse sisse. |
6. | Ötze kui teije nühd ollete wastawötnu Issandat Kristust Jesust / nida keüge temmä sissen: |
7. | Nink olge temmä sissen juhretetu nink üllestettu / nink olge Ussun kindmä / nida kui teije ollete oppetetu / nink olge sesissen rikkalikkult tennolikko. |
8. | Kajege / et keddäke ei olle / kä teid rihsub / läbbi ilmlikko Tarkusse nink tüchjä Pettusse / Innimiste Lihgkässu perrä / nink Ilma Kombe perrä / nink ei mitte Kristusse perrä. |
9. | Sest temmä sissen elläb kik Jummalusse Täwweus iholikkult: |
10. | Nink teije ollete täwwelikko temmä sissen / kä kige Pähliko Walla nink Woimusse Päh om: |
11. | Kumman teije kah ollete ümbreleigatu / Ümbreleikamissega / kumb Käetä sünnib / patliko Iho Leha Mahaheitmissen / Kristusse Ümbreleikamissega: |
12. | Kui teije temmäga Ristmissen ollete maha mattetu / kumman teije kah ollete üllestösnu / läbbi Ussu / kumba Jummal sahdab / kä teddä Kohljist om ülles errätänu. |
13. | Nink om teid / kumma ollite kohlu Pattun / nink omma Leha Eennahan / üttelisse temmäga elläwäsz tennu / nink teile andisandnu kik Pattu / |
14. | Nink temmä omseddä Käekirjaerräkistotanu / kumb Sähdussest tulli / nink meije wasta olli / nink om seddäerräwötnu / nink Risti külge pohnu. |
15. | Temmä om errärihsnu Pähliko Walla nink Woimussid / nink omneid Nahruszette tohnu julgest / nink Erräwährmisse Röhmu neist tennu / henne läbbi. |
16. | Sis erräsundko teid nühd keäke Söhgi echk Johgi perräst / echk säetu Pühi / echk wastse Kuh / echk Pöhäpeiwi perräst: |
17. | Kumma omma Tullewatze Warri / ent Iho om Kristussen. |
18. | Keäke erra wihgo teid Lihgtee pähle Kichlaweo pohle / kä Allandamissen nink Engli Orjamissen seddä püwwäb / nink se pähle ajab / mes temmä eäle ei olle nännu / nink om asjata ülles paisonu omman lehalikkun Mötten / |
19. | Nink ei peä hendä Pähst kinni / kummast koggona Iho / läbbi Luhlihkmisse nink Jakko awwitetas / nink ütten pohb / nink kaswab jummalikkusz Suhrussesz. |
20. | Kui teije nühd Kristussega ollete erräkohlu Ilma Sähdussist / mes teije sis Lihgkäsku wasta wöttate / ötze kui ellässe teije weel Ilman? |
21. | (Kumma ütlewä:) Erräputko / errämaitzko / errä nakkago kah kinni: |
22. | Kumb kik pitten errälöppeb / nink om Innimiste Käsk nink Oppus: |
23. | Kummil kül Tarkusse Näggo om / hennewallitzetu Jummala Orjusse nink Allandusse perräst / nink se läbbi / et Ihul Armo ei anta / nink Lehal temmä Tarwiussesz Auwo ei tettä. |
1. | Kui teije nühd Kristussega ollete üllestösnu / sis otzke seddä / mes üllewän om / kun Kristus om Jummala hähl Käel istman. |
2. | Mötlege se pähle / mes üllewän om / eimitte se pähle / mes Mah pähl om. |
3. | Sest teije ollete erräkohlu / nink teije Ello om Kristussega erräpeedetu Jummalan. |
4. | Kui Kristus / teije Ello / sahb awwalikkusz sahma / sis sahde teije kah temmäga awwalikkusz sahma Auwustussen. |
5. | Sis kohletage nühd omme Luhlihkmissi / kumma Mah pähl omma / Portust / Rojust/ Türakust / kurja Himmo / nink Achnust / kumb om Währ-Jummala Orjaminne: |
6. | Kumbe perräst Jummala Weha tulleb Umbussu Laste pähle. |
7. | Kummin teijeke muste ollete keünu / kui teije neide sissen ellite. |
8. | Ent nühd heitke teije kah seddä kik hennest errä / Weha / paha Meeld / Kurjust / Teotamist / häüto Sönnu / ommast Suhst. |
9. | Erge wölske töine töise pähle / heitke maha wanna Innimist temmä Töhga: |
10. | Nink wötke wastset henne pähle / kä wastsesz lät Tundmisselle / se Kojo perrä / kä teddä om lohnu: |
11. | Kun ei olle Greekalist nink Judalist: Ümbreleikamist nink Eennachka: Umbgreekalist / Zitalist: Sullast / Wabbandikko: Enge kik nink kigin Kristus. |
12. | Sis wötke nühd henne pähle / kui Jummala erräwallitzetu Pöha nink Arma / söämelikko Hallestamist / Heldust / Maddalust / Tassaust / Pikkämeeld: |
13. | Sallige töine töist / nink andke töine töisele andis / kui kelleke töise wasta om Kaibust: Ötze kui kah Kristus teile om andisandnu / nida kah teije. |
14. | Ent pähle se kige (wötke henne pähle) Armastamist / kumb om Täwweusse Keüdüs: |
15. | Nink Jummala Rauw wallitzego teije Söämen / kumma sisse teije kah ollete kutzutu / ütten Ihun / nink olge tennolikko. |
16. | Kristusse Sönna ellägo rikkalikkult teije seän / kigen Tarkussen: Oppetage nink mannitzege hendä essi Laulo nink Kittusse Laulo / nink waimolikko Luuga armsaste / nink laulke Issandalle omman Söamen. |
17. | Nink kik / mes teije eäle tehde / Sönna echk Teggoga / seddä tekke kik Issanda Jesusse Nimmel / nink tennäge Jummalat nink Essä läbbi temmä.) |
18. | Naise / olge allaheitlikko ommille Mehstelle / nida kui sünnis Issandan. |
19. | Mehe armastage omme Naisi / nink erge olge kärredä neide wasta. |
20. | Latze / olge sönnawötliko Wannambille kigin Asjun: Sest se om Issanda Meeleperräst. |
21. | Wannamba / erge kihotage omme Latzi Wehale / et nemmä ei läh argasz. |
22. | Sullase / kuhlge kigin omme iholikko Essandid / ei Silmi een orjaten / kui Innimiste Meeleperräst olla / enge Söame Waggaussen / Jummalat peljäten. |
23. | Nink kik / mes teije eäle tehde / seddä tekke Süddamest / kui Issandalle / nink eimitte Innimistille: |
24. | Nink teedke / et teije Issandast sahda Perrändusse Tassomist sahma: Sest teije orjate Issandat Kristust. |
25. | Ent kä Köwwerust om tennu / selle sahb tassotama / mes Köwwerust temmä om tennu: Nink sähl ei olle Innimisse Kajemist. |
1. | Essanda / mes öige nink parras om / seddä tekke Sullasille / nink teedke / et teileke Essandat om Taiwan. |
2. | Olge kindmä Palwussen / nink walwke se sissen Tennämissega: |
3. | Nink pallege üttelisse kah meije eest / et Jummal meile Sönna Ust ülles awwab / Kristusse Sallaust pajatada / kumma perräst minna kah olle kinnikeüdetu: |
4. | Et minna seddä awwaldasz / nida kui mul sünnis könnelda. |
5. | Keüge targalikkult neide wasta / kumma wäljän omma / nink piddäge Aiga kallisz. |
6. | Teije Könne olgo ikkes armsa / nink Sohlaga sohlatu / et teije tijässe / kuitao teil eggaüttele sünnis kosta. |
7. | Kuitao minnoga Järg om / seddä sahb teile kik teedä andma Tijikus / se armas Welli / nink ussutaw Sullane / nink Kahsorjaja Issandan: |
8. | Keddä minna ötze seperräst teije mannu olle lähätänu / et minna tijäsz / kuitao teije Kässi keüb / Nink et temmä teije Söämid röhmustasz: |
9. | Onesimusse se ussutawa nink arma Wellega / kä teist om: Nemmä sahwa teile kik teedä andma / kuitao sihn Järg om. |
10. | Aristarchus / minno Kahswangitu terwitäb teid / nink Markus Parnaba Welle Poig / kummast teije ollete Käsku sahnu: Kui temmä teije mannu tulleb / sis wötke teddä wasta: |
11. | Nink Jesus / kä Justussesz kutzutas / kumma Ümbreleikamissest omma: Nesinatze omma ützindä minno Abbimehe Jummala Rikkussen / kum̃a mulle omma Röhmusz sahnu. |
12. | Epawras terwitäb teid / kä teist om / Kristusse Sullane / kä allasi teije eest tappleb Palwussin / et teije saisasse täwwelikkult nink teüdetu kigen Jummala Tachtmissen. |
13. | Sest minna anna telle Tunnistust / et tel suhr Hohl teije eest om / nink neide eest / kumma Laodizean nink Hierapolin omma. |
14. | Lukas se Arst / se armas / terwitäb teid / nink Temas. |
15. | Terwitäge neid Wellitzid / kumma Laodizean omma / nink Nimwat / nink seddä Koggodust / kumb temmä Majan om. |
16. | Nink kui se Rahmat teije man om loetu / sis sahtke / et se kah Laodizeenride Koggodussen loetas: Nink et teije seddä kah loete / mes Laodizeast om kirjotetu. |
17. | Nink ütlege Argippulle: Kaje seddä Ammetit / kumba sinna Issandan ollet sahnu / et sa seddä teüdäsz. |
18. | Minno Terwitäminne minno Pahwli Käega. Mötlege minno Kapplu pähle. Arm olgo teijega. Amen. |