| |
| 1. | Kui Jummal ennemuste mittokörra nink mitmasuggutzel kombel Wannambille olli pajatanu / läbbi Proweete / sis om temmä neil wihmätzil Peiwil meijega könnelenu läbbi Poja / |
| 2. | Keddä temmä kige Perrändäjäsz om sähdnu / kumma läbbi temmä kah Ilma om tennu: |
| 3. | Kä / sest et temmä om temmä Auwustusse Wastapaistminne / nink temmä Ollemisse Kojo / nink kik omma wäggewä Sönnaga kannab / kui temmä henne läbbi meije Pattu Pohastamist om tennu / Jummala Torreusse hähle Käele om istnu Körgette: |
| 4. | Nink om sewera parrembasz sahnu Englid / kui paljo üllembät Nimme temmä neide eest om perrändänu. |
| 5. | Sest kummale Englile es temmä eäle om üttelnu: Sinna ollet minno Poig / minna olle sinno tähmbä sünnitänu? Nink taas: Minna sah temmä Essä ollema / nink temmä sahb minno Poig ollema? |
| 6. | Nink kui temmä jälle Eesikut Ilma sisse tohb / sis ütleb temmä: Nink teddä peäwä kik Jummala Engli kummardama. |
| 7. | Englist ütleb temmä kül: Temmä tehb omme Englid Waimusz / nink omme Sullasid Tulle Kirresz: |
| 8. | Ent Pojast: Jummal / sinno Järg püssib iggawest iggawetzesz Ajasz: Sinno Rikkusse Zeptri om öige Zeptri. |
| 9. | Sinna ollet Öigust armastanu / nink Üllekohut wichkanu: Seperräst om sinno / o Jummal / sinno Jummal woidnu Röhmu Öhliga / ennämb kui sinno Seltzimehi. |
| 10. | Nink: Sinna Issand ollet Algmissest Mahd pochjandanu / nink Taiwa omma sinno Käe Töh: |
| 11. | Nemmä sahwa hukka minnemä / ent sinna jäht: Nemmä sahwa kik kui Reiwas wannasz minnemä: |
| 12. | Nink sinna saht neid kui Pählreiwast errämuhldma / nink nemmä sahwa errämuhduma: Ent sinna ollet sesamma / nink sinno Ajastaja ei sah mitte errälöpma. |
| 13. | Ent kumma Engli wasta es temmä eäle om üttelnu: Istu minno hähle Käele / senni kui minna panne sinno Wainlaisi sinno Jalgu Allutzesz? |
| 14. | Es nemmä kik olle orjalikko Waimu / wäljälähätetu Orjussesz neide perräst / kumma Önnistust peäwä perrändämä? |
| 1. | Seperräst peäme meije paljo ennämbest seddä tähele pannema / mes meije olleme kuhlnu / et meije hukka ei sah. |
| 2. | Sest kui se Sönna / mes Englide läbbi om pajatetu / kindmäsz om sahnu / nink kik Ülleastminne nink Wallatus om omma öiget Palka sahnu: |
| 3. | Kuis meije sahme pakko pässemä / kui meije sährätze Önsusse perräst ei hohli? Kumb / sest et se Issanda läbbi om nakkatu pajatama / neist / kumma seddä omma kuhlnu / meije pähle om kinnitetu: |
| 4. | Nink Jummal om selle kah Tunnistust andnu / Tächte / Imme / nink mitmasuggutze Wäe / nink pöhä Waimo Jaggamissega / omma Tachtmisse perrä. |
| 5. | Sest temmä ei olle mitte Englide alla pannu tullewast Ilma / kummast meije pajatame. |
| 6. | Ent ütz om ütten Paigan tunnistanu / üttelden: Mes om Inniminne / et sinna teddä mälletät: Echk Innimisse Poig / et sinna teddä kajet? |
| 7. | Sinna ollet teddä Ührikest Aiga wähämbäsz tennu Englid: Auwo nink Kittussega ollet sinna teddä ehhitänu / nink teddä töstnu ülle omma Käe Töh. |
| 8. | Sinna ollet kik temmä Jalgu alla pannu. Sest se ga / et temmä kik temmä alla om pannu / ei olle temmä telle middäke allapannematta jätnu: Ent meije ei näe nühd weel mitte / et telle kik om alla pantu. |
| 9. | Ent kä Ührikest Aiga / läbbi Surma Kannatusse / wähämb Englid olli / seddä näeme Jesust ollewat / Auwo nink Kittussega ehhitetu: Et temmä Jummala Armust kike eest Surma maitzasz. |
| 10. | Sest se sündi sel / kumma perräst kik om / nink kumma läbbi kik omma / kä paljo Latzi Auwustusse sisse wihb / et temmä neide Önnistusse Sahtjat läbbi Kannatusse täwwelikkusz tehsz: |
| 11. | Sest se / kä pöhändäb / n. kumbe pöhändetas / ne omma kik üttest: Seperräst ei häbbene temmä neid mitte Wellesz kutzu / |
| 12. | Nink ütleb: Minna taha sinno Nimme ommille Wellitzille kuhlutada / kesset Koggodust taha minna sulle Kittust laulda: |
| 13. | Nink taas: Minna taha temmä pähl julge olla: Nink jälle: Nätze minna / nink ne Latze / kumbe mulle Jummal om andnu. |
| 14. | Ötze kui nühd Latzil Leha nink Werd om / nida om temmä kah selsammal kombel sest ossalikkusz sahnu / et temmä läbbi Surma Wäkke erräwöttasz selt / kel Surma Wäggi olli / se om Kurratilt: |
| 15. | Nink pästäsz errä neid / kumma läbbi Surma Peljo kigen Ellun piddiwä Orja ollema. |
| 16. | Sest temmä ei wötta kunnake Englid henne pähle / enge Abrahami Seemend wöttab temmä henne pähle. |
| 17. | Seperräst piddi temmä kigin omme Welliste arwolissesz sahma / et temmä ollesz armolik nink ussutaw Körge-Preester / neide Asju sissen / kummist Jummala een teggemist om / Rachwa Pattu leppitädä: |
| 18. | Sest kumman temmä essi om kannatanu nink kiusatu / se sissen woib temmä neid / kumbe kiusatas / awwitada. |
| 1. | Seperräst / pöhä Wellitze / kum̃a taiwalikkust Kutzmissest ossalisse ollete / pange tähele meije Üllestunnistamisse Apostlit nink Körge-Preestrit / Kristust Jesust: |
| 2. | Kä ussutaw om selle / kä teddä om töstnu / nida kui kah Moses temmä koggona Koan. |
| 3. | Sest sesinane om suhrembat Auwo sahnu / kui Moses / nida kui sel suhrembat Auwo Koast om / kä seddä om walmistanu / kui Koal: |
| 4. | Sest eggaütz Kodda walmistetas üttest: Ent kä kik om walmistanu / se om Jummal. |
| 5. | Nink Moses olli kül ussutaw temmä koggona Koan / kui Sullane / se Tunnistamissesz / mes piddi könneldama: |
| 6. | Ent Kristus / nida kui Poig ülle omma Koa: Kumma Kodda meije olleme / kui meije seddä Julgust nink Lohtusse Kittust Otzani kindmält peäme. |
| 7. | Seperräst nida kui pöhä Waim ütleb: Tähmbä / kui teije temmä Hähld sahde kuhlma / |
| 8. | Sis erge kallestage mitte omme Söamid / nida kui Wehastellemissen sündi / Kiusatusse Peiwäl Lahnen: |
| 9. | Kun teije Wannamba minno omma kiusanu / nemmä omma minno kajenu / nink omma minno Tekko nännu nellikümmend Ajastaiga. |
| 10. | Seperräst olle minna wehatzesz sahnu sesamma Suggu pähle / nink olle üttelnu: Nemmä essiwä ikkes Söamega: Ent minno Teed ei olle nemmä mitte tundnu. |
| 11. | Nida et minna omman Wehan olle wandnu: Nemmä ei peä mitte minno Hengüsse sisse tullema. |
| 12. | Kajege / Wellitze / et waest kenki sissen teije seäst kurri umbusklik Süddä ei olle / elläwäst Jummalast errätagganada: |
| 13. | Enge mannitzege hendä eggäpeiw / senni kui tähmbä kutzutas: Et teist keäke errä ei kallesteta Pattu Pettussest: |
| 14. | Sest meije olleme Kristussest ossalikkusz sahnu / kui meije ennege seddä alletu Töhd Otzani kindmält peäme: |
| 15. | Senni kui ütteldäs: Tähmbä / kui teije temmä Hähld sahde kuhlma / sis erge kallestage mitte omme Söamid / nida kui Wehastellemissen sündi. |
| 16. | Sest mönne / kumma seddä olliwa kuhlnu / omma Wehastellemist töstnu / ent eimitte kik / kumma Mosesse läbbi Egipti Mahst wäljä lätziwä. |
| 17. | Ent kumbe pähle es temmä wehane olli nellikümmend Ajastaiga? Es se neide pähle olle / kumma Pattu olliwa tennu / kumbe Keha Lahnen sattewa? |
| 18. | Es kummille es temmä wand / et nemmä es peäsz temmä Hengüsse sisse tullema / es se Umbusklikkuil olle? |
| 19. | Nink meije näeme / et nemmä ei olle woinu sisse sahda Umbussu perräst. |
| 1. | Sis peljäkem nühd / et meije seddä Towotust maha ei jättä / temmä Hengüsse sisse tulla / nink et ützik meist perrä ei jäh. |
| 2. | Sest se om meile kah kuhlutetu / nida kui neileke: Ent se kuhltu Sönna es awwita neid mitte / sest et Kuhlja seddä es ussu. |
| 3. | Sest meije / kumma ussume / lähme Hengüsse sisse / nida kui temmä om üttelnu: Et minna olle wandnu omman Wehan / nemmä ei peä mitte minno Hengüsse sisse tullema: Kui kül Teo Ilma Algmissest olliwa tettu. |
| 4. | Sest temmä om ütten Paigan seitzmest Peiwäst nida üttelnu: Nink Jummal hengäs seitzmel Peiwäl kigest ommast Töhst. |
| 5. | Nink sihn taas: Nemmä ei peä mitte minno Hengüsse sisse tullema. |
| 6. | Sest et nühd weel ülle om / et mönne se sisse peäwä tullema / nink ne / kummille seddä eesmält kuhluteti / ei olle mitte se sisse tulnu / Umbussu perräst: |
| 7. | Sis säeb temmä jälle ütte Peiwä / tähmbä / ütleb temmä Tawida läbbi / sährätze pikkä Aja perrä: (Nida kui ütteld om) Tähmbä / kui teije temmä Hähld sahde kuhlma / sis erge kallestage mitte omme Söämid. |
| 8. | Sest kui Josua neid ollesz Hengüsselle sahtnu / sis es ollesz temmä perräst seddä töisest Peiwäst mitte pajatanu: |
| 9. | Seperräst om weel Jummala Rachwal Hengüst allale. |
| 10. | Sest kä temmä Hengüsse sisse om tulnu / se hengäb kah ommast Töhst / nida kui Jummal ommast. |
| 11. | Sis rüchkem nühd sesinatze Hengüsse sisse sahda: Et keäke sesamma Umbussu Eenkojo sisse ei satta. |
| 12. | Sest Jummala Sönna om elläw nink wäkkew / nink terräwemb / kui katte Terräga Möhk / nink lät läbbi / senni kui temmä lahutab Henge nink Waimo / kah Sässu nink Luhd / nink om Möttide nink Süddäme Meele Sundja. |
| 13. | Nink temmä een ei olle ützik Lohd-Assi näggemättä: Enge kik om paljas nink awwalik temmä Silmi een / sest om meil Könnet. |
| 14. | Sest et meil nühd suhrt Körge Preestrit om / Jesust / Jum̃ala Poiga / kä Taiwa läbbi om lännu / sis piddägem kinni Üllestunnistamist: |
| 15. | Sest meil ei olle mitte Körge Preestrit / kä es woisz kahkannatalik olla meije Nörkussega / enge kä kigin om kiusatu / ötze kui meije / (siski) Pattuta. |
| 16. | Sis läkkem nühd Julgusse ga Armo Järje ette / et meije Hallestust sahsse / nink Armo löwwässe parra ajalissesz Abbisz. |
| 1. | Sest eggaütz Körge-Preester / kä Innimissist woetas / se pantas Innimiste eest / neide Asju sissen / kummist Jummala een teggemist om / et temmä owwritzesz Andid n. Owwrid Pattu eest. |
| 2. | Kä woib kahkannatalik olla neidega / kumma rummala omma / nink eswä: Sest et temmä kah essi Nörkussega om ümbrepihritu: |
| 3. | Nink seperräst peäb temmä / kui Rachwa eest / nida kah henne eest / Pattu eest owwritzema. |
| 4. | Nink keäke ei wötta hennele essi Auwo / enge kä Jummalast kutzutas / nida kui Aaron: |
| 5. | Nida ei olle kah Kristus hendä essi auwustanu / KörgePreestrisz sahda / enge se / kä temmä wasta om üttelnu: Sinna ollet minno Poig / minna olle sinno tähmbä sünnitänu. |
| 6. | Nida kui temmä kah töisen Paigan ütleb: Sinna ollet Preester iggawesz / Melchisedeki Körra perrä. |
| 7. | Kä omma Leha Peiwil Palwid nink Abbiheikmist / kange Tennitämisse nink SilmäWeega / selle om owwritzenu / kä teddä Surmast jous awwitada / nink om kah kuhltu / sest et temmä Jummalat Auwun piddi. |
| 8. | Nink echk temmä kül (Jummala) Poig olli / siski om temmä sest / et temmä kannat / Sönnawötmist opnu: |
| 9. | Nink kui temmä täwwelikkusz saije / sis om temmä kigille / kumma teddä kuhlwa / iggawetze Önnistusse Sühsz sahnu: |
| 10. | Nink om Jummalast kutzutu Körge-Preestrisz / Melchisedeki Körra perrä: |
| 11. | Sest ollesz meil kül paljo pajatamist / ent se om rasse selgede erräütteldä: Sest et teije ollete laisasz lännu kuhlma. |
| 12. | Sest teileke / kumma ammust sahni piddite Oppetaja ollema / lät jälle tarbis / et teile Jummala Sönna eesmätzid Tächte oppetetasz: Nink teije ollete (neide arwolissesz) sahnu / kummil Pihmä waja om / nink ei mitte kewwa Rohga. |
| 13. | Sest kä weel Pihmäst ossalinne om / se ei moista Öigusse Sönna: (Sest temmä om Latz.) |
| 14. | Ent täwwelikkuil sünnis kewwa Rohg / kummil läbbi Harjotusse erräharjotetu Mötte omma / Häh nink Kurja waijele Wahet tettä. |
| 1. | Seperräst tahame kristlikko Oppusse Algmist nühd jättä / nink Täwweusse pohle tulla: Eimitte jälle Ümbrekähndmisse Pochja pannema kohlu Teust n. Ussust Jummala sisse / |
| 2. | Ristmisse Oppussest / Käe Pählepannemissest / Kohljide Üllestössemissest / nink iggawetzest Kochtust. |
| 3. | Nink seddä tahame tettä / kui Jummal Luppa annab. |
| 4. | Sest se om woimatta / et ne / kumma ützkörd omma walgustetu / nink taiwalikko Andet maitznu / nink omma ossalikkusz sahnu pöhäst Waimust / |
| 5. | Nink Jummala hähd Sönna maitznu / nink tullewatze Ilma Wäkke / |
| 6. | Kui nemmä errätagganewa / nink jälle hennele Jummala Poiga Risti pohwa / nink willitellewa / et nemmä jälle peässe wastsesz minnemä Ümbrekähnmissesz Pattust. |
| 7. | Sest Mah / kumb saggede henne pähle tullewat Wichma johb / nink neile hähd Rochto kannab / kumma teddä piddäwä / se sahb Jummalast Önnistamist: |
| 8. | Ent kumb Orjawitzu nink Ohakid kannab / se om kölbmatta nink Wandmissel lähün / kumb wihmäte erräpallab. |
| 9. | Ent meije lohdame teist parrembat / Arma / nink mes Önnistussega woib püssidä / echk meije kül nida pajatame. |
| 10. | Sest Jummal ei olle mitte üllekochtone / et temmä teije Tekko nink Armo Töhd erräunnetasz / kumba teije temmä Nimme wasta ollete üllesneütnu / kui teije Pöhi orjsite / nink weel orjate. |
| 11. | Ent meije tahame / et eggaütz teist seddäsamma Ussindust peäb üllesneütmä / Lohtusse Kinnitussesz Otzani: |
| 12. | Et teije laisasz ei läh / ent neide Mährdlejisz sahde / kumma läbbi Ussu nink Kannatusse Towotussi perrändäwä. |
| 13. | Sest kui Jummal Abrahamille towut / kui tel keddäke suhrembat es olle / kenk man temmä wannusz / sis wand temmä henne man / |
| 14. | Nink üttel: Tööst / minna taha sinno önnisten önnistada / n. sinno soeten soetada. |
| 15. | Nink nida olli temmä kannatalik / nink saije Towotust. |
| 16. | Sest Innimisse wandwa kül suhremba man / nink Wandminne tehb neil Otza kige Rija pähle / Kinnitussesz. |
| 17. | Ent kui Jummal rikkambast Towotusse Perrändäjille tacht neütä / et temmä Nouw ei lihgo / sis om temmä Wandmissega waijele tulnu: |
| 18. | Et meil katte Asja läbbi / kumma ei lihgo / kummin woimatta om / et Jummal wölsisz / kange Röhm ollesz / kumma pakkeme ettepantu Lohtust kinni tabbama: |
| 19. | Kumba meil om / kui julge nink kinni Henge Ankri / nink lät Eenpohmisse sisselikko Pohle sisse. |
| 20. | Kohe Eenjohskja Jesus meije eest om sisse lännu / Melchisedeki Körra perrä / Körge Preestrisz sahnu iggäwesz. |
| 1. | Sest sesinane Melchisedek olli Kunningas Salemmin / kige körgemba Jummala Preester / kä Abrahami wasta lätz / kui temmä Kunningide Tapplemissest taggasi tulli / nink önnist teddä: |
| 2. | Kummale kah Abraham kigest Kümnist jaggas: Eesmält selletetäs temmä errä Öigusse Kunningasz / ent perräst kah Salemmi Kunningasz: Se om / Raho Kunningas: |
| 3. | Essätä / Emmätä / Sugguta: Nink temmäl ei olle Peiwi Algmist / ei kah Ello Otza: Ent temmä om Jummala Poja sahrnatzesz arwatu / nink jähb Preestrisz iggawesz. |
| 4. | Ent kajege / kui suhr sesinane om / kelle kah Abraham / se wanna Essä / Kümnist om andnu Saagist. |
| 5. | Nink kumma Lewi Latzist Preestreust sahwa / neil om Käsk Kümnist wötta Sähdusse perrä Rachwalt / se om / neide omma Wellitzist / echk kül nemmäke Abrahami Puhsast omma tulnu. |
| 6. | Ent kumma Suggu neide sekkä ei arwata / se wöt Abrahamilt Kümnist / nink önnist seddä / kel Towotus olli. |
| 7. | Ent se om wastapajatamatta / et alwemb parrembast önnistetas. |
| 8. | Nink sihn wötwa kül surmlikko Innimisse Kümnist: Ent sähl se / kummal Tunnistust om / et temmä elläb. |
| 9. | Nink (et minna nida ütle) läbbi Abrahami om kah Lewi / kä Kümnist wöttab / Kümnist masnu. |
| 10. | Sest temmä olli weel Essä Puhsan / kui Melchisedek temmä wasta tulli. |
| 11. | Kui nühd Täwweus läbbi Lewilisse Preestreusse olli: (Sest se al om Rachwalle Sähdus sahnu) mes sis weel waja olli / et töine Preester tössesz Melchisedeki Körra perrä / nink eimitte Aaroni Körra perrä ütteldä? |
| 12. | Sest kui Preestreus ümbrewahetetas / sis peäb kah Sähdusse Ümbrewahetaminne sündimä. |
| 13. | Sest kummast seddä ütteldäs / sel om Ossa töisest Suust / kummast weel keäke Altri een ei olle saisnu. |
| 14. | Sest se om awwalik / et meije Issand Juda Suggust om tösnu: Kumma Suggu wasta Moses Preestreussest middäke ei olle pajatanu. |
| 15. | Nink se om weel awwalikkumb / kui Melchisedeki Sahrnausse perrä töine Preester tösseb / |
| 16. | Kä lehalikko Kässu Sähdusse perrä ei olle sahnu / enge löpmatta Ello Wäe perrä. |
| 17. | Sest temmä tunnistab: Sinna ollet Preester iggawesz / Melchisedeki Körra perrä. |
| 18. | Sest sega löppetetas eddimänne Sähdus / et temmä nörk nink kölbmatta olli: |
| 19. | Sest Sähdus ei olle middäke täwwelikkusz tennu / ent parremba Lohtusse Tohminne / kumma läbbi meije Jummala mannu lähüneme. |
| 20. | Nink pähle se weel / mes paljo om / ei mitte Wandmisseta / |
| 21. | (Sest no omma wandmatta Preestrisz sahnu: Ent se / Wandmissega / läbbi se / kä temmä wasta ütleb: Issand om wandnu / nink ei sah seddä mitte kahetzema: Sinna ollet Preester iggäwesz / Melchisedeki Körra perrä.) |
| 22. | Ni paljo parremba Leppingo Käemehesz om Jesus sahnu. |
| 23. | Nink neid om kül paljoke / kumma Preestrisz omma sahnu / sest et Surm neid keeld jähmäst: |
| 24. | Ent selsinatzel / sest et temmä iggawesz jähb / om hukkaminnemättä Preestreus: |
| 25. | Seperräst woib temmä kah ikkes önsasz tettä neid / kumma temmä läbbi Jummala mannu tullewa / nink elläb ikkes / et temmä neide eest pallesz. |
| 26. | Sest nisuggune Körge-Preester sündi meil olla / (kä ollesz) / pöhä / Sühtä / pürretämättä / Pattatzist errälahutetu / nink kä körgemb ollesz / kui Taiwa: |
| 27. | Kummal tarwis ei olle eggäpeiw / nida kui neil Preestril / eesmält omme Pattu eest Owwrid tuwwa / perräst Rachwa (Pattu) eest: Sest seddä om temmä ützkörd tennu / kui temmä hendä essi om owwritzenu. |
| 28. | Sest Sähdus säeb Innimissi Preestrisz / kummil Nörkust om: Ent se Wandmisse Sönna / kumb perräst Sähdust (om ütteldu / säeb) Poiga iggawesz täwwelikkusz. |
| 1. | Ent se om se Pähtük / kummast meije pajatame / meil om nisuggune Körge Preester / kä istub Auwustusse Järje parrembal Pohlel Taiwan / |
| 2. | Nink om Pöhide nink töisitze Teldi Sullane / kumba Jummal om üllessähdnu / nink eimitte Inniminne: |
| 3. | Sest eggaütz Körge Preester pantas owwritzema Andid nink Owwrid: Seperräst peäb kah selsinatzel ollema / mes temmä owwritzesz. |
| 4. | Sest kui temmä Mah pähl ollesz / sis es ollesz temmä mitte Preester / kunna Preestrid om / kumma Sähdusse perrä Andid owwritzewa: |
| 5. | Kumma taiwalikko Asju Eentähendämist nink Warjo orjawa / nida kui jummalik Kostus Moselle üttel / kui temmä Telti piddi löppetama: Sest kaje / ütleb temmä / et sinna kik teht se Eenkojo perrä / mes sulle Mäe pähl om neüdetu. |
| 6. | Ent nühd om temmä sewera parrembat Ammetit sahnu / kui paljo parremba Leppingo Wahemehs temmä kah om / kumb kah parrembide Towotuste pähl om kinnitetu. |
| 7. | Sest kui se eddimänne ollesz laitmatta olnu / sis es ollesz töisele Paika otzitu: |
| 8. | Sest temmä ütleb neile laiten: Nätze / Peiwä tullewa / ütleb Issand / nink minna taha Israeli Koaga nink Juda Koaga wastset Leppingut tettä. |
| 9. | Eimitte se Leppingo perrä / kumba minna neide Wannambidega olle tennu / tol Peiwäl / kui minna neid Kät pitte wötti / neid Egipti Mahst wäljä weddädä: Sest nemmä ei olle minno Leppingo pähle jähnu / sis ei olle minna kah neide perräst hohlnu / ütleb Issand. |
| 10. | Sest se om se Lepping / kumba minna Israeli Koaga taha tettä / perräst neid Peiwi / ütleb Issand / minna taha omma Sähdust neide Meelde anda / nink taha seddä neide Söämette kirjotada: Nink minna sah neide Jummal ollema / nink nemmä sahwa minno Rachwas ollema. |
| 11. | Nink keäke ei sah omma Lähembät oppetama / ei kah keäke omma Welle / nink ütlemä: Tunne Issandat: Sest nemmä sahwa minno kik tundma / neide weikust ammak neide suhreni: |
| 12. | Sest minna sah armolik ollema neide Üllekochtul / nink neide Pattu nink neide Köwwerust ei taha minna ennämb mälletädä. |
| 13. | Se ga / et temmä ütleb / wastsest / om temmä eesmäst wannasz tennu: Ent mes wannasz lät nink iggäne om / se om Löpmissel lähün. |
| 1. | Eddimätzel Teldil olli kah kül omma Jummala Orjusse Kohus / nink wäljäspiddine Pöhäus. |
| 2. | Sest eddimänne Telt olli üllestettu / kumman olli Kühnle Jalg / nink Laud / nink kajetawa Leiwä / kumb Pöhäsz kutzuti. |
| 3. | Ent töise Eenpohmisse takkan olli Telt / kumb kige pöhämbäsz kutzuti: |
| 4. | Kumman olli kullane Suitzutamisse Annum / nink Leppingo Kirst / kige piddi Kullaga erräwabatu / se man olli se kullane Annum / kumman Manna sissen olli / nink Aaroni Kep / kumb olli haljendanu / nink (Kirstun) Leppingo Kildi. |
| 5. | Ent temmä pähl olliwa Auwustusse Kerubim / kumma Leppingo Kirsto Kahnd üllewarjosiwa: Kummist nühd essierrälde middäke ei olle ütlemist. |
| 6. | Ent kui se nida olli walmistetu / sis lätziwä Preestri kül ikkes eddimätze Teldi sisse / nink tallitiwa Jummala Orjust: |
| 7. | Ent töise sisse lätz ennege ützkörd Ajastajal Körge Preester ützindä / eimitte Werretä / kumba temmä owwritz omma nink Rachwa Rummalusse eest. |
| 8. | Kummaga pöhä Waim teedä annab / et Pöhä Tee weel ei olle olnu awwaldetu / senni kui eesmänne Telt weel sais: |
| 9. | Kumb olli Eentähendäminne tullewatze Aja pähle / kummal Andid nink Owwrid owwritzetas / kumma ei woi Süddäme Teedmisse perrä seddä täwwelikkusz tettä / kä orjab / |
| 10. | Ützindä Söhgin nink Johgin nink mitmasuggutzen Möskmissen / nink wäljäspidditzen Pöhändämissen / kumma Parrandamisse Ajani olliwa pähle pantu: |
| 11. | Ent Kristus tullewatze Häh Körge Preester om tulnu / läbbi suhremba nink täwwembä Teldi / kumb ei olle Kättega tettu / se om / kumb nida ei olle ehhitetu / |
| 12. | Ei kah läbbi Sikka echk Wassika Werre / enge temmä om läbbi omma Were ützkörd Pöhä sisse lännu / nink iggawest Luhnastamist löidnu. |
| 13. | Sest kui Härjä nink Sikka Werri / nink Lechmä Tuchk / kumb rojatzid ziugutab / neidsammu pöhändäb Leha Pohastamissesz / |
| 14. | Kuis paljo ennämbest sahb Kristusse Werri / kä läbbi iggawetze Waimu hendä essi Jummalalle pürretämättä om owwritzenu / meije Süddäme Teedmist pohastama kohlu Teust / elläwät Jummalat orjama? |
| 15. | Nink seperräst om temmä kah wastse Leppingo Wahemehs / et / perräst seddä / kui (Kristusse) Surm om sündinu / Erräluhnastamissesz Essitussist / kumma eesmätze Leppingo al olliwa / ne / kumma omma kutzutu / towotetu iggawest Perrändust wöttasse.) |
| 16. | Sest kun Wihmne Sähdminne om / sähl peäb kah se Surm ollema / kä seddä Sähdmist tehb. |
| 17. | Sest Wihmne Sähdminne kinnitetäs Kohlmissega / muido ei olle tel jocht Joudo / kui se weel elläb / kä seddä om tennu. |
| 18. | Seperräst ei olle kah se eesmänne ilma Werretä tettu: |
| 19. | Sest kui Moses kik Käsku olli erräkönnelenu Sähdusse perrä kige Rachwa wasta / sis wöt temmä Wassika nink Sikka Werd / Wee nink Purpuri Willa nink Isopiga / nink zipput seddä se Rahmato n. kige Rachwa pähle / |
| 20. | Nink üttel: Se om se Leppingo Werri / kumba Jummal teile om käsknu. |
| 21. | Nink nida ziugut temmä kah Telti / nink kik Jummala Orjusse Annumid Werrega. |
| 22. | Nink kik pohastetas pea Werrega Sähdusse perrä / nink Werre Erräwallamissetä ei sünni Andisandminne. |
| 23. | Sis piddi nühd kül taiwalikko Asju Eentähendämissi neidega pohastetama: Ent taiwalikkul Asjul essi peäb parremb Owwer ollema / kui ne olliwa. |
| 24. | Sest Kristus ei olle mitte Kättega tettu Pöhä sisse lännu / kumb om töisitze Tähendäminne / enge ötze Taiwatte / hendä nühd neütmä Jummala Palge een meije eest: |
| 25. | Ei kah / et temmä hendä saggede owwritzesz / nida kui Körge Preester eggä Ajastaja Pöhä sisse lät wöhra Werrega: |
| 26. | (Muido ollesz temmä saggede piddänu kannatama Ilma Algmissest sahni) Ent nühd om temmä Ilma Lopmissel ützkörd awwaldetu / et temmä läbbi omma Owwri Pattu erräwöttasz. |
| 27. | Nink ötze kui Innimissil om säet / ützkörd erräkohlda / ent perräst seddä Kohus: |
| 28. | Nida om Kristus ützkörd owwritzetu / paljo Pattu erräwötma / töistkörd sahb temmä hendä Pattuta neile neütmä / kumma teddä ohtwa Önnistussesz. |
| 1. | Sest Sähdussel om tullewatze Häh Warri / eimitte Asja Olleminne essi / nink ei woi mitte / (echk kül) eggä Ajastaja üttesuggune Owwer owwritzetas / neid / kumma ette astwa owwritzema / täwwelikkusz tettä. |
| 2. | Muido ollesse Owwri maha jähnu / sest et neil ütteke Süddäme Teedmist es ollesz olnu Pattust / kumma Jummala Orjust tallitawa / kui nemmä ützkörd ollesse pohastetu: |
| 3. | Enge se läbbi sünnis ennege Pattu Mälletus eggä Ajastaja. |
| 4. | Sest se ei woi mitte olla / et Härgi nink Sikku Werri Pattu peäsz erräwötma: |
| 5. | Seperräst ütleb temmä Ilma sisse tullen: Owwrit nink Andet ei olle sinna tachtnu / ent Iho ollet sinna mulle walmistanu. |
| 6. | Palla Owwri nink Pattu Owwri ei olle mitte sinno Meeleperräst. |
| 7. | Sis ütli minna: Nätze minna tulle / (Rahmato Pähtükkin om minnust kirjotetu) o Jummal / sinno Tachtmist teggemä: |
| 8. | Kui temmä üllewän olli üttelnu: Owwrit nink Andet nink Palla-Owwrid nink Pattu Owwrid ei olle sinna tachtnu / nemmä ei olle kah sinno Meeleperräst: (Kumbe Sähdusse perrä tuwwas: ) |
| 9. | Sis üttel temmä: Minna tulle / o Jummal / sinno Tachtmist teggemä. Sis wöttab temmä Eddimäst errä / et temmä Perrimäst säesz. |
| 10. | Kumman Tachtmissen meije olleme pöhändetu / ützkörd / läbbi Jesusse Kristusse Iho Owwri. |
| 11. | Nink eggäütz Preester sais / kui temmä eggä Peiw Jummalat orjas / nink saggedast neidsammu Owwre owwritz / kumma eäle ei woi Pattu erräwötta. |
| 12. | Ent temmä / kui temmä ütte Owwri Pattu eest olli owwritzenu / istub iggawesz Jummala hähl Käel: |
| 13. | Nink ohdab eddispeide / senni kui temmä Wainlaisi temmä Jalgu Allutzesz pantas: |
| 14. | Sest temmä om ütte Owwriga iggawesz neid teütnu / kumbe pöhändetäs. |
| 15. | Ent seddä tunnistab meile kah pöhä Waim: Sest perräst seddä / kui temmä enne olli üttelnu: |
| 16. | Se om se Lepping / kumba minna neidega taha tettä / perräst neid Peiwi / ütleb Issand / minna taha omma Sähdust neide Söämette anda / nink taha seddä neide Meelde kirjotada: |
| 17. | Nink neide Pattu nink neide Üllekohut ei taha minna ennämb mälletädä. |
| 18. | Ent kun neide Andisandminne om / sähl ei olle ennämb Owwrit Pattu eest. |
| 19. | Sest et meil nühd Julgust om / Wellitze / Pöhä sisse minnä / läbbi Jesusse Werre / |
| 20. | Kumba temmä meile om walmistanu wastsesz nink elläwäsz Teesz / läbbi Eenpohmisse / se om läbbi omma Leha: |
| 21. | Nink et meil suhr Preester om ülle Jummala Koa: |
| 22. | Sis astkem mannu töisitze Söamega Ussu Täwweussen / nink errä ziugutu Söamega kurjast Süddäme Teedmissest: |
| 23. | Nink mösku Iho pohlest puchta Weega / nink piddägem Lohtusse Tunnistust ilma tagganamatta: (Sest se om ussutaw / kä seddä om towotanu.) |
| 24. | Nink hoitkem töine töist Ajamissega Armo nink Häh Teggode pohle: |
| 25. | Nink erräjätkem mitte maha omma Koggodust / nida kui mönnel Wihs om / enge mannitzekem töine töist: Nink seddä paljo ennämbest / et teije näete Peiwä lähüde tullewat. |
| 26. | Sest kui meije hähl Meelel Pattu tehme / perräst seddä / kui meije Tötte Tundmist olleme sahnu / sis ei jättetä ennämb Owwrit Pattu eest: |
| 27. | Enge ütz hirmsa Kochto Ohtminne / n. tulline Weha / kumb Wastapannejid sahb erräsöhmä. |
| 28. | Kä Mosesse Sähdust rikkub / se peäb ilma Armota katte echk kolme Tunnistajide pähl kohlma: |
| 29. | Kuis paljo suhrembat Sundust (es teije mötlete) seddä errä orjawat / kä Jummala Poiga Jalguga sökkub / nink Leppingo Werd ilmpöhälikkusz peäb / kumma läbbi temmä om pöhändetu? Nink kä Armo Waimo willitelleb? |
| 30. | Sest meije tunneme seddä / kä ütleb: Sundus om minno perrält / minna taha tassoda / ütleb Issand: Nink taas: Issand sahb omma Rachwast sundma. |
| 31. | Elläwä Jummala Kätte om hirmsa saddada. |
| 32. | Ent mötlege entzi Peiwi pähle / kummil teije Walgustetu suhrt Kannatusse Tapplemist ollete kannatanu: |
| 33. | Nink seddä Ossast / et teije läbbi Teotamisse nink Willitzusse ollete Kajetussesz sahnu: Ent Ossast / et teije neide Ossalissesz ollete sahnu / kumbe Kässi nida keüb: |
| 34. | Sest teije ollete kah minno Kappluga kahkannatalikko olnu / nink ollete omma Häh Errärihsmist Röhmuga sallinu / sest et teije tijäte hennel parrembat nink jähdwät Warra ollewat Taiwan. |
| 35. | Sis erge heitke nühd errä omma Julgust / kummal suhr Palk om. |
| 36. | Sest Kannatus lät teile tarbis: Et teije Jummala Tachtmist tetten Towotust sahsse: |
| 37. | Sest weel Ühri Aja perräst / sis sahb se tullema / kel tulla om / nink ei sah mitte wihwmä. |
| 38. | Enge Öige sahb läbbi Ussu ellämä: Nink kä errätagganeb / se pähle ei sah minno Hengel Meelehähd ollema. |
| 39. | Ent meije ei olle mitte neist / kumma tagganawa Hukkasahmissesz / enge neist / kumma uskwa Henge Tallelejähmissesz. |
| 1. | Ent Usk om kinni Lohtus se pähle / mes lohdetas / nink kui katzite ei möttelda sest / mes ei nättä. |
| 2. | Sest se läbbi omma Wannamba Tunnistust sahnu. |
| 3. | Läbbi Ussu moistame / et Ilm läbbi Jummala Sönna om kokko lihdetu / nida / et se / mes nättäs / om sahnu sest / meä ei nättä. |
| 4. | Läbbi Ussu om Abel Jummalalle suhrembat Owwri tohnu / kui Kain / kumma läbbi temmä om Tunnistust sahnu / hendä öige ollewat / kui Jummal temmä Andist tunnistab: Nink läbbi sesamma pajatab temmä weel / echk temmä kül om erräkohlnu. |
| 5. | Läbbi Ussu woeti Enoch errä / et temmä Surma es näesz: Nink es löitä mitte / sest et Jummal teddä olli erräwötnu: Sest enne temmä Erräwötmist om temmäl Tunnistust olnu / et tem̃ä Jummala Meeleperräst om olnu / |
| 6. | Ent Ussuta ei woi keäke (Jummala) Meeleperräst olla: Sest kä Jummala mannu tahab tulla / se peäb uskma teddä ollewat / nink et temmä neil / kumma teddä otzwa / Tassoja om. |
| 7. | Läbbi Ussu mannitzeti Noah Jummalast sest / mes weel es nättä / nink sest et temmä Jummalat peljäs / sis walmist temmä Kirsto / omma Koa Önsussesz: Kumma läbbi temmä Ilma hukka pand / nink saije Öigusse Perrändäjäsz / kumb läbbi Ussu tulleb. |
| 8. | Läbbi Ussu olli Abraham sönnawötlik / kui temmä kutzuti / wäljäminnemä se Mah sisse / kumba temmä Perrändussesz piddi sahma / nink temmä lätz wäljä / nink es tijä mitte / kohe tem̃ä lähsz. |
| 9. | Läbbi Ussu om temmä Wöhras olnu Towotusse Mahl / kui wöhral Mahl / nink om Korjussin ellänu Isaaki nink Jakobiga / kumma sesam̃a Towotusse Kahsperrändäjä olliwa: |
| 10. | Sest temmä loht se Lihna pähle / kummal Pochja om / kumma Üllesteggijä nink Lohja Jummal om. |
| 11. | Läbbi Ussu saije kah Sara essi Wäkke Rassejallasz sahda / nink temmä kand Ilmale ülle omma Wannusse Aja / sest temmä piddi seddä ussutawasz / kä seddä olli towotanu. |
| 12. | Seperräst omma kah üttest / nink pähle se weel kohlu Ihust / paljo sündinu / ötze kui Taiwa Tähe / nink kui Lihw Merre wehren / kumb arwamatta om. |
| 13. | Nesinatze omma kik Ussun erräkohlnu / nink ei olle Towotust mitte kätte sahnu / enge om̃a seddä kawwest nännu / nink hendä sest kinnitänu nink röhmustanu / nink omma üllestunnistanu / et nemmä Wöhra nink Teekeüjä Mah pähl omma. |
| 14. | Sest kumma nisuggust ütlewä / ne andwa teedä / et nemmä Essä Mahd otzwa. |
| 15. | Nink kui nemmä se pähle ollesse möttelnu / kummast nemmä olliwa wäljä lännu / sis ollesz neil kah Aig olnu taggasi kähndä: |
| 16. | Ent nühd pühdwä nemmä / parrembat / se om taiwalikko: Seperräst ei häbbene neist Jummal mitte / neide Jummalasz kutzutada: Sest temmä om neile Lihna walmistanu. |
| 17. | Läbbi Ussu töije Abraham Isaakit Owwrisz / kui temmä kiusati / nink töije seddä Ainosündinut / kä Towotussi olli sahnu: |
| 18. | Kumma wasta olli könneldu: Isaakin peäb sulle Seemen kutzutama: |
| 19. | Nink möttel / et Jummal kah Kohljistike woib ülleserrätädä: Seperräst saije temmä teddä kah jälle Eentähendämissesz. |
| 20. | Läbbi Ussu önnist Isaak tullewatzist Asjust Jakobit nink Esaut. |
| 21. | Läbbi Ussu önnist Jakob / kui temmä erräkohli / eggaütte Joseppi Pojist: Nink kummard temmä Keppi Ladwa pohle. |
| 22. | Läbbi Ussu mället Josep / kui temmä kohli / Israeli Laste Wäljäminnekit / nink käsk ommist Luist. |
| 23. | Läbbi Ussu peedeti Moses errä ommist Wannambist kolm Kuhd / kui temmä olli sündinu / sest et nemmä näiwä teddä illosa Latze ollewat: Nink es pelgä mitte Kunninga Käsku. |
| 24. | Läbbi Ussu es taha Moses / kui temmä suhresz saije / Waraoni Tüttre Pojasz kutzutada: |
| 25. | Nink wallitz ennembe Jummala Rachwaga Willitzust kannatada / kui ühriajalist Pattu Tullu piddädä: |
| 26. | Nink arwas Kristusse Tikko suhrembasz Rikkussesz / kui kik Egipti Mah Warra: Sest temmä kaije Tassomisse pähle. |
| 27. | Läbbi Ussu jät temmä Egipti Mahd maha / nink es pelgä mitte Kunninga Weha: Sest temmä olli kindlik se pähl / kä ei nättä / ötze kui näesz temmä teddä. |
| 28. | Läbbi Ussu peije temmä Paschat nink Werre Erräwallamist / et se neid es puttusz / kä kik Eesikuid errätap. |
| 29. | Läbbi Ussu lätziwä nemmä läbbi werrewä Merre / ötze kui kuiwa Mah läbbi: Kumba Egiptilesse kah kiusiwa perrä tettä / nink upsiwa errä. |
| 30. | Läbbi Ussu sattewa Jericho Mühri maha / kui seitze Peiwä temmä ümbre olli keüdu. |
| 31. | Läbbi Ussu es sah se Port Rahab hukka Umbuskjidega / kui temmä Noudjid Rahoga wasta wöt. |
| 32. | Nink mes mul weel ütteldä? Aiga puusz mulle / kui minna peäsz juttustama Gideonist / Parakist nink Simsonist / nink Jehwtast / Tawidast nink Samuelist / nink Proweetist: |
| 33. | Kumma läbbi Ussu Kunningrikkussid omma erräwährnu / Öigust tallitanu / Towotussi sahnu / Louwi Suhd kinnitüknu: |
| 34. | Tulle Wäkke erräkistotanu / Möhga Terräst erräpäsnu / omma wäggen äsz sahnu Nörkussest / kangesz sahnu Söan / nink wöhra Lehri errähäetänu: |
| 35. | Naise omma omme Kohljid jällewötnu Üllestössemissest: Ent muh omma erräwennitetu / nink ei olle Erräluhnastamist wastawötnu / et nemmä parrembat Üllestössemist sahsse: |
| 36. | Ent muh omma Nahro nink Rohska maitznu / pähle se weel Kapplu nink Wangitorni: |
| 37. | Nemmä omma Kiwwega lohdu / katzke rajotu / kiusatu / Wöhga ga errätappetu: Omma ümbrekaut keünu Kassukin / Kitze Nahun / Puhdussen / Willitzussen / Waiwan: |
| 38. | (Kumbe Ilm währt es olle) nink omma Essitussen keünu Lahnen / Mäkke pähl / Orrun / nink Mah Mulgun. |
| 39. | Nink nesinatze omma kik läbbi Ussu Tunnistust sahnu / nink ei olle Towotust mitte kätte sahnu: |
| 40. | Sest et Jummal meile parrembat Asja om erräkajenu / et neid meijetä es teüdetäsz. |
| 1. | Seperräst meijeke / et meil sähräne suhr Hulk Tunnistajid henne ümbrel om / pandkem maha kik Kohrmat / nink meije ümbrel saiswat Pattu / nink johskem läbbi Kannatusse meile ettesäetu Tapplemissen: |
| 2. | Nink kajegem Jesusse pähle / kä meije Ussu Algja nink Löppetaja om / kä / kui tel ollesz woinu Röhmu olla / Risti om kannatanu / nink es panne seddä Häppe mississike / nink om Jummala Järje hähle Pohle istnu. |
| 3. | Pange seddä tähele / kä sähräst Wastapajatamist Pattatzist henne wasta om kannatanu / et teije errä ei wässi / nink Meelen nörgasz ei läh. |
| 4. | Teije ei olle weel Werreni wastapannu / Pattu wasta tappelden: |
| 5. | Nink ollete erräunnetanu seddä Röhmu / kumb teile kui Latzille ütleb: Minno Poig / erräarwago mitte alwasz Issanda Karristamist / nink errämingo Meelen nörgasz / kui sa temmäst noheldat: |
| 6. | Sest keddä Issand armastab / seddä karristab temmä: Ent temmä pessäb eggäütte Poiga / kumba temmä wasta wöttab. |
| 7. | Kui teije Karristamist kannatate / sis ängäb hendä Jummal teile / kui Latzille: Sest kumb Poig es om / keddä Essa ei karrista? |
| 8. | Ent kui teije karristamatta ollete / kummast kik omma ossalikkusz sahnu / sis ollete Pordo Latze / nink eimitte Latze. |
| 9. | Kui meil nühd meije lehalikko Essä omma Karristajisz olnu / nink olleme neid pelgänu: Es meije paljo ennämbest peä allaheitlikko ollema Waimu Essäl / et meije ellässe? |
| 10. | Sest nemmä omma meid kül / omma tutwast / weidi Aiga karristanu: Ent se (karristab meid) Tullusz / et meije temmä Pöhäust sahsse. |
| 11. | Ent kik Karristaminne ei arwata man ollen Röhmusz / enge Murresz: Ent wihmäte sahb temmä raholikko Öigusse Tullu andma neile / kumma se läbbi omma harjotetu. |
| 12. | Seperräst töstke jälle ülles neid laisa Kässi / nink erräwässinu Pölwe: |
| 13. | Nink tekke öigid Jälgi ommille Jallule / et keäke ei kummasta / kui Jalloto / enge jo ennembe terwesz sahsz. |
| 14. | Kiusage Raho perrä kike ga / nink Pöhändämisse perrä / kumma keäke ei sah Issandat näggemä: |
| 15. | Nink kajege / et keäke Jummala Armust maha ei jäh: Et mönni mörro ülleskaswaja Juhr Essitust ei sahda / nink se läbbi mitto ei pürretetä: |
| 16. | Et keäke ei olle Portja echk tigge / nida kui Esau / kä ütte Söhgi perräst omma Ennesündmist errämöije. |
| 17. | Sest teije tijäte / et / kui temmä kah perräst Önnistust tacht perrändädä / sis om temmä erräheidetu: Sest temmä es löwwä Kahetzemisse Mahd (Essä man) / echk temmä seddä kül Silmä Weega otz. |
| 18. | Sest teije ei olle mitte se Mäe mannu tulnu / kumba om woinu puttu / nink kumb Tullest palli / ei kah Hämmärusse / nink Pimmedusse nink marro Ilma sisse / |
| 19. | Ei kah Passuna Hölli / nink Sönna Hähle mannu / kumma perräst ne / kumma seddä kuhliwa / palsiwa / et neile seddä Sönna ennämb es peä ütteldämä. |
| 20. | (Sest nemmä es köchta seddä mitte kannatada / mes kästi: Nink kui Többras seddä Mäkke puttusz / sis piddi teddä Kiwwega kohlusz heidetämä / echk Nohlega läbbi lastama. |
| 21. | Nink se Neütminne olli ni hirmsa / et Moses üttel: Minna olle heitinu nink wärrise.) |
| 22. | Enge teije ollete tulnu Zioni Mäe mannu / nink elläwä Jummala Lihna / taiwatze Jerusalemmi / nink mitto tohanda Engli Hulka / |
| 23. | Eesikuide Üttekoggomisse nink Koggodusse sisse / kumma / Taiwan omma ülleskirjotetu / nink kige Sundja Jummala mannu / nink täwwelikko Öigide Waimu mannu / |
| 24. | Nink Wastse Leppingo Wahemehe Jesusse mannu / nink Zippotamisse Werre mannu / kumb parrembide könneleb / kui Abel. |
| 25. | Kajege / et teije seddä errä ei pölle / kä pajatab. Sest kui no ei olle erräpäsnu / kumma seddä omma erräpölgnu (kuhlda) / kä Mah pähl Jummala Awwaldamist om pajatanu / kuis paljo wähämbest sahme meije (erräpässemä) / kui meije hendä sest erräkähnäme / kä Taiwast om / |
| 26. | Kumma Hähl tol hawal Mahd lihgut: Ent nühd towotab temmä nink ütleb: Minna taha weel ützkörd lihgutada ei ützindä Mahd / enge kah Taiwast. |
| 27. | Ent se / et ütteldäs / weel ützkörd / tunnistab / et seddä / mes lihgus / peäb töisite tettämä / kui se / mes tettu om / et se jähsz / mes lihkmatta om. |
| 28. | Seperräst / et meije lihkmatta Rikkust sahme / sis om meil Armo / kumma läbbi meije Jummalat Meeleperrälikkult peäme orjama / Häwwe nink Auwustamissega. |
| 29. | Sest meije Jummal om erräsöhjä Tulli. |
| 1. | Wellelik Arm jähgo. |
| 2. | Erge unnetage Wöhride Wastawötmist: Sest se läbbi omma mönne teedmättä Englid Öh-Maija wötnu. |
| 3. | Mötlege neide pähle / kumma omma keüdetu / ni kui Kahskeüdetu: Nink neide pähle / kumma Kurja kannatawa / ötze kui ne / kumma kah essi Ihun elläwä. |
| 4. | Abbiello peäb ausaste peetämä kike seän / nink Abbiello Wohte pürretämättä: Ent Portjid nink Abbiello rikjid sahb Jummal sundma. |
| 5. | Keük olgo Achnusseta: Nink olge rahul sega / mes teil om: Sest temmä om üttelnu: Minna ei taha sinno mitte ülle Käe heitä / ei kah sinno maha jättä: |
| 6. | Nida / et meije tohime ütteldä: Issand om mul Abbimehs / nink minna ei taha mitte peljätä / mes Inniminne mulle woib tettä? |
| 7. | Mötlege omme Oppetajide pähle / kumma teile Jummala Sönna omma üttelnu: Neide Keügi Otza pähle kaijen olge neide Ussu Mährdlejä. |
| 8. | Jesus Kristus heilä nink tähmbä sesamma / nink kah iggawesz. |
| 9. | Erge laske hendä ümbreajada mitmasuggutze nink wöhra Oppusside ga. Sest se om häh / et Söä Armo läbbi kinnitetäs / eimitte Söhgi läbbi / kummast neil ei olle Tullu olnu / kumma se ga omma ümbrekeünu. |
| 10. | Meil om Altrit / kummast neil Woimust ei olle süwwä / kumma Telti orjawa. |
| 11. | Sest kumbe Többraste Werri Körge Preestrist Pöhä sisse kannetas / neide Keha pallotetas wäljälpohl Lehri errä. |
| 12. | Seperräst om kah Jesus / et temmä läbbi omma Werre Rachwast pöhändäsz / wäljän Wärräjä een kannatanu. |
| 13. | Sis läkkem nühd wäljä Lehri ette temmä mannu / temmä Tikko kanden: |
| 14. | Sest meil ei olle sihn mitte jähdwät Lihna / enge meije otzime tullewast. |
| 15. | Sis tohgem nühd ikkes temmä läbbi Jummalalle Kittusse Owwrit / se om / Huhlde Sukku / kumma temmä Nimme üllestunnistawa. |
| 16. | Hähteggemist nink Kahjaggamist erge unnetage mitte: Sest nisuggutze Owwri omma Jummala Meeleperräst. |
| 17. | Kuhlge omme Oppetajid / nink olge neil sönnawötlikko: Sest nemmä walwawa teije Henge eest / nida kui ne / kumma Arwo peäwä andma: Et nemmä seddä Röhmuga tehsse / nink eimitte puhaten: Sest se ei olle teil mitte häh. |
| 18. | Piddäge Palwust meije eest: Sest meije lohdame / et meil häh Süddäme Teedminne om / nink tahame kike seän häste köndi: |
| 19. | Ent minna mannitze seddä ennämbest tettä / et minno teile peembide jälle annerasz. |
| 20. | Ent se Raho Jummal / kä Kohljist om ette tohnu suhrt Lammaste Karjust / läbbi iggawetze Leppingo Werre / Issandat Jesust / |
| 21. | Se tekko teid täwwelikkusz kigen hähn Töhn / tem̃ä Tachtmist teggemä: Nink sahtko teije sissen / mes temmä een Meeleperrälinne om / läbbi Jesusse Kristusse: Selle olgo Auw iggawest / iggawetzesz Ajasz. Amen. |
| 22. | Ent minna mannitze teid / Wellitze / sallige Mannitzemisse Sönna / Sest minna olle teile lühidelt kirjotanu. |
| 23. | Teedke / et Timoteus Welli om jälle wallale / kummaga (kui temmä pea tulleb ) minna teid taha nättä. |
| 24. | Terwitäge kik omme Oppetajid / nink kik Pöhi. Wellitze Italia Mahlt terwitäwä teid. |
| 25. | Arm olgo teije kikega. Amen. |