1. | Pahwel Apostel / (eimitte Innimissist / ei kah läbbi Innimisse / enge läbbi Jesusse Kristusse / nink Jummala se Issä / kä teddä Kohljist om ülleserrätänu.) |
2. | Nink kik Wellitze / kumma minno man omma / Galazia Mah Koggodussille: |
3. | Armo olgo teije ga / nink Rauw Jummalast Issast / nink meije Issandast Jesussest Kristussest: |
4. | Kä hendä essi meije Pattu eest om andnu / et temmä meid sestsinatzest käen ollewast kurjast Ilmast erräpästäsz / Jum̃ala nink meije Issa Tachtmisse perrä: |
5. | Selle olgo Auw iggawest iggawetzel Ajal. Amen. |
6. | Minna panne Immesz / et teije sest ni pea olleteerräkähntu / kä teid Kristusse Armun om kutznu / töise Oppusse pähle: |
7. | Kumb siski töine ei olle: Kui mönd es ollesz / kumma teid errä essitäwä / nink tachtwa Kristusse Armo Oppust ümbrekähndä. |
8. | Ent / kui meijeke / echk Engel Taiwast teile töist Oppust sahsz kuhlutama / pähle se / mes meije teile olleme kuhlutanu / sis olgo se erräwannotu. |
9. | Ötze kui meije enne olleme üttelnu / nida ütle minna nühd taas / kä teile töist Oppust kuhlutab / pähle se / mes teije ollete sahnu / se olgo erräwannotu. |
10. | Sest kas minna nühd Innimissi ussuta / wai Jummalat? Echk kas minna püwwä Innimiste Meeleperräst olla? Sest kui minna weel Innimiste Meeleperräst ollesz / sis es ollesz minna Kristusse Sullane. |
11. | Ent minna anna teile teedä / Wellitze / et se Armo Oppus / mes minnust om kuhlutetu / ei olle Innimisselik. |
12. | Sest minna ei olle: seddä kah Innimissest sahnu / ei kah opnu: Enge läbbi Jesusse Kristusse Awwaldamisse. |
13. | Sest teije ollete kül kuhlnu minno mustset Keüki Juda Saisussen / et minna ülli wäega Jummala Koggodusse perrä kiusasi / nink häeti seddä errä. |
14. | Nink minna wötti Wehrd Juda Saisussen / ülle mitto minno Eäzid / omman Suun / nink wehastelli ülli köwwaste Wannambide Lihgkässu eest. |
15. | Ent kui Jummala Meeleperräst om olnu / kä minno minno Emmä Ihust om errälahutanu / nink läbbi ommaArmo kutznu / |
16. | Omma Poiga minno sissen awwaldada / et minna teddä Pagganide seän kuhlutasz / sis es peä peä minna seddämaid Leha nink Werre ga Nouwo: |
17. | Minna es läh kah taggasi Jerusalemmi neide mannu / kumma enne minno Apostli olliwa: Enge minna lätzi errä Arabia Mahle / nink tulli jälle taggasi Tamaskutte. |
18. | Perräst lätzi minna kolme Ajastaja perräst ülles Jerusalemmi / Petrit kajema: Nink jäije wihstöistkümmend Peiwä temmä mannu. |
19. | Ent muhd es näe minna Apostlist keddäke / kui ennege Jakkabit Issanda Welle. |
20. | Ent mes minna teile kirjota / nätze / (seddä tunnista minna) Jummala een / et minna ei wölsi. |
21. | Perräst tulli minna Süria nink Zilizia Mah Kottossille. |
22. | Ent minna es olle Palgest tutwa Juda Mah Koggodussil / kumma Kristussen omma: |
23. | Ent nemmä olliwa ennege kuhlnu: Et kä meid ennemuste perränkiusas / se kuhlutab parhella seddä Usku / kumba temmä muste errähäet. |
24. | Nink nemmä auwustiwa Jummalat minno perräst. |
1. | Perräst lätzi minna neljätöistkümne Ajastaja perräst jälle ülles Jerusalemmi Parnabaga / nink wötti kah Titust henne ga. |
2. | Ent minna lätzi Awwaldamisse perrä ülles. Nink minna panni Armo Oppust neide ette / kumba minna Pagganide seän juttusta. Ent essierrälde neile / kumbe suhresz peeti / et minna asjatta es johsesz / echk ollesz johsknu. |
3. | Ent Titusteke / kä minnoga olli / es wäetetä mitte ümbreleigata / echk temmä kül Greekalinne olli. |
4. | Ent (se sündi) kawwala Welliste perräst / kumma olliwa sekkätüknu / nink hendä sisse weddänu / meije Wabbaust erränaudma / kumba meil Kristussen Jesussen om / et nemmä meid Sullasisz tehsse: |
5. | Kummille meije Tundike perrä es anna / allaheitlikko olla / et Armo Oppusse Töisidus teije mannu jähsz. |
6. | Ent neist / kumma hendä mötliwa suhre ollewat / mährätze nemmä enne olnu / ei puttu minno mitte: Jummal ei kaje Innimisse Suhrust mitte. Sest mulle ei olle ne / kumbe suhresz peeti / middäke pähle pannu. |
7. | Enge se wasta / kui nemmä näiwä / et mulle Eennahale Armo Oppus olli ussutu / nida kui Petrille Ümbreleikamisselle: |
8. | (Sest kä Petri ga om wäkkew olnu Ümbreleikamisse Apostleussen / se om kah minno ga wäkkew olnu Pagganide seän.) |
9. | Nink kui Jakkab nink Kewas nink Jahn / kumbe Pihdäsz peeti / seddä Armo tuhsiwa / kumb mulle olli antu / sis anniwa nem̃ä mulle nink Parnaballe Ossausse häh Käe: Et meije Pagganide seän / ent nemmä Ümbreleikamisselle Juttust ütlesse. |
10. | Ennege et meije Waiste pähle mötlesse: Nink seddäsamma olli minna kah ussin teggemä. |
11. | Ent kui Peter Antiochiatte tulli / sis pajati minna Suh sisse temmä wasta / sest teddä piddi nohmitama. |
12. | Sest enne kui mönne Jakkabist tulliwa / sis söije temmä Pagganidega: Ent kui nemmä tulliwa / sis taggasi temmä / nink lahut hendä / sest temmä peljäs neid / kumma Ümbreleikamissest olliwa. |
13. | Nink temmäga lätziwä kah töise Judalisse kawwalasz: Nida et kah Parnabas üttelisse hukkuteti / läbbi neide Kawwalusse. |
14. | Ent kui minna näije / et nemmä öigede es keü / Armo Oppusse Tötte perrä / sis ütli minna kike een Petri wasta: Kui sinna / kä Judalinne ollet / Paggana kombel ellät / nink eimitte Juda wärki / mes sa sis Pagganid wäetät Judaliste wärki ellämä? |
15. | Meije olleme Lohmust Judalisse / nink ei ole mitte Pagganist Pattatze: |
16. | Nink tijäme / et Inniminne ei sah läbbi Sähdusse Töh öigesz / enge läbbi Ussu Jesusse Kristusse sisse: Sis olleme nühd meijeke Kristusse Jesusse sisse usknu / et meije öigesz sahsse läbbi Ussu Kristusse Jesusse sisse / nink ei mitte Sähdusse Töhst: Sest läbbi Sähdusse Töh ei sah ützik Leha öigesz sahma. |
17. | Ent kui meije / kumma Kristussen püwwäme öigesz sahda / kah weel essi Pattatze löitäme / sis om jo Kristus Pattu Sullane. Se erräsündko mitte. |
18. | Sest kui minna seddä jälle ülles teh / mes ma olle maha kisknu / sis teh minna hendä essi Ülleastjasz. |
19. | Sest minna olle läbbi Sähdusse Sähdussel erräkohlu / et minna Jummalalle elläsz. |
20. | Minna olle Kristusse ga Risti pähle pohdu: Ent minna ellä / ei siski ennämb minna / enge Kristus elläb minno sissen. Sest mes minna nühd ellä Lehan / seddä ellä minna Jummala Poja Ussun / kä minno om armastanu / nink hendä essi minno eest errä andnu. |
21. | Minna ei pölle mitte Jummala Armo. Sest kui Öigus läbbi Sähdusse tulleb / sis om Kristus ilmasjatta erräkohlu. |
1. | Teije rummala Galatri / kes om teid errä nöidnu / et teije Töttet ei kuhle? Kummille Jesus Kristus Silmi ette om kirjotetu / nink teije seän Risti pohdu. |
2. | Minna taha seddä ennege teist oppeda / kas teije ollete Sähdusse Töhst Waimo sahnu / wai läbbi Ussu Juttusse? |
3. | Kas teije ni rummala ollete? Teije ollete Waimun algnu / kas teije nühd Lehan tahate löppetada? |
4. | Kas teije ni paljo ilmasjatta ollete kannatanu? Kui se ennege asjata om. |
5. | Kä teile nühd Waimo jaggab / nink tehb nisuggutzid wäggewid Tekko teije seän / kas se seddä tehb läbbiSähdusseTöh / wai läbbi Ussu Juttusse? |
6. | Nida kui Abraham om Jummalat usknu / nink se om telle Öigussesz arwatu. |
7. | Sis tunnete jo nühd / et kumma Ussust omma / ne omma Abrahami Latze. |
8. | Ent kui Kirri ette olli erränännu / et Jummal Pagganid läbbi Ussu öigesz tehb / sis kuhlut temmä Abrahamille ette errä: Sinno sissen peäwä kik Paggana sahma önnistetus. |
9. | Kumma nühd Ussust omma / neid önnistetas se usklikko Abrahami ga. |
10. | Sest mitto Sähdusse Töhst omma / ne omma Wanne al: Sest kirjotet om: Erräwannoto olgo eggaütz / kä ei jäh kige sisse / mes Sähdusse Rahmatun om kirjotetu / et temmä seddä tehsz. |
11. | Ent et ützik läbbi Sähdusse Töh Jummala een öigesz ei sah / se om awwalik: Sest Öige sahb läbbi Ussu ellämä: |
12. | Ent Sähdus ei olle mitte Ussust: Enge Inniminne / kä seddä tehb / se sahb se sissen ellämä. |
13. | Kristus om meid Sähdusse Wannest erräostnu / kui temmä meije eest Wannesz om sahnu. Sest kirjotet om: Eggaütz om erräwannotu / kä Puh küllen pohb. |
14. | Et Abrahami Önnistus Pagganide pähle tullesz / Kristussen Jesussen / et meije sahsse Waimo Towotust / läbbi Ussu. |
15. | Wellitze / minna pajata Innimisse wärki. Innimisse Wihmset Sähdmist ei pölle jo keäke errä / kui se om kinnitetu / ei säe kah middäke sinnä mannu. |
16. | Ent nühd omma ne Towotusse Abrahamille nink temmä Seemnelle erräkönneldu. Temmä ei ütle mitte: Nink sinno Seemnin / kui mitmast / enge kui üttest: Nink sinno Seemnen / se om Kristus. |
17. | Ent minna ütle seddä / se Sähdus / kumb perräst neljä saa pähle kolmekümne Ajastaja perräst om antu / ei teh mitte tüchjäsz seddä Sähdmist / kumb Jummalast Kristusse pähle omennekinnitetu / et se Towotust peäsz löppetama. |
18. | Sest kui Perrändus Sähdussest om / sis ei olle se ennämb Towotussest: Ent Jummal om seddä läbbi Towotusse Abrahamille kinknu. |
19. | Mes sis Sähdussest ütteldä? Temmä om Pattu perräst pähle tulnu / senni kui se Seemen tullesz / kummale (Perrändus) olli towotetu / nink (Sähdus) om säetu Englist / läbbi Wahemehe Käe. |
20. | Ent Wahemehs ei olle mitte ütte Wahemehs: Ent Jummal om ütz. |
21. | Kas sis Sähdus Jummala Towotusse wasta om? Eimitte. Sest kui Sähdus ollesz antu / kumb woisz elläwäsz tettä / sis tullesz Öigus töttelikkult Sähdussest. |
22. | Ent Kirri om kik Pattu alla sulgnu / et Towotus Ussust Jesusse Kristusse sisse Uskjille sahsz antus.) |
23. | Ent enne kui Usk tulli / sis hoijeti meid Sähdusse al / nink ollime kinnisulletu tullewatze Ussu pähle / kumb piddi awwalikkusz sahma. |
24. | Nida om nühd Sähdus meije Karristaja olnu Kristusse pähle / et meije läbbi Ussu öigesz sahsse. |
25. | Ent sest et Usk om tulnu / sis ei olle meije ennämb Karristaja al. |
26. | Sest teije ollete kik Jummala Latze läbbi Ussu / Kristusse Jesusse sissen. |
27. | Sest mitto teid Kristusse pähle omma ristitu / ne omma Kristust henne pähle tömbnu. |
28. | Sihn ei olle Judalist / ei kah Greekalist. Sihn ei olle Sullast / ei kah Wabbandikko: Sihn ei olle Mehst nink Naist: Sest teije ollete kik ütz Kristussen Jesussen. |
29. | Ent kui teije Kristusse perrält ollete / sis ollete jo Abrahami Seemen / nink Towotusse perrä Perrändäjä. |
1. | Ent minna ütle / senni kui Perrändäjä Latz om / sis ei olle temmä nink Sullase waijel Wahet / echk temmä kül Essand om ülle kige Häh: |
2. | Enge temmä om Üllekaejide nink Majapiddajide al / ni kawwa kui Essäst om säetu. |
3. | Nida kah meije / kui meije Latze ollime / sis ollime Sullasen wäljäliste Sähduste al: |
4. | Ent kui Aig teüs saije / sis lähät Jummal omma Poiga / sündinus sahda Naisest / nink Sähdusse alla panna: |
5. | Et temmä neid / kumma Sähdusse al olliwa / erräostasz / et meile Laste Kohusz sahsz. |
6. | Sest et teije nühd Latze ollete / sis om Jummal omma Poja Waimo teije Söamette lähätänu / kä tennitäb / Abba / Essä. |
7. | Sis ei olle sihn nühd ennämb Sullast / enge Latz: Ent kui Latz om / sis om se kah Jummala Perrändäja Kristusse läbbi.) |
8. | Ent kui teije Jummalat es tunne / sis orjsite neid / kumma Lohmust Jummala ei olle. |
9. | Ent nühd / kunna teije Jummalat tunnete / ent paljo ennämbest Jummalast ollete tuttu / kuis teije hendä jälle taggasi kähnäte nörga nink waise Tächte pohle / kumbe teije jälle wastsest tahate orjata? |
10. | Teije kajete Peiwi nink Kuhd / nink Aigu / nink Ajastajid. |
11. | Mul om Pelg teije perräst / et minna Asjata teije man ei olle: Töhd tennu. |
12. | Sahge ni kui minna / sest minna olle ni kui teije: Wellitze / minna palle teid. Teije ei olle mulle middäke Lihga tennu. |
13. | Ent teije tijäte / et minna Leha Nörkussen teile eesmält Armo Oppust olle kuhlutanu: |
14. | Nink minno Kiusatust / kumba minna omman Lehan kannata / ei olle teije mitte erräpölgnu / ei kah erräsülgnu / enge teije ollete minno wasta wötnu / kui Jummala Englit / kui Kristust Jesust. |
15. | Mähranes sis teije Önsus olli? Sest minna anna teile Tunnistust / et kui se ollesz woinu olla / teije ollesse omme Silmi erräkisknu / nink mulle andnu. |
16. | Kas minna sis nühd teije Wainlassesz olle lännu / et ma teile Töttet ütle? |
17. | Nemmä ei armasta teid häste mitte / enge nemmä tachtwa meid erräsulge / et teije neid armastasse. |
18. | Armastaminne om häh / kui se ikkes Hähn sünnib / nink ei ützindä sis / kui minna teije man olle. |
19. | Minno Latzekesse / kumbe minna jälle Walloga sünnitä / senni kui Kristus teije sisse teggines. |
20. | Ent minna tahasz parhella teije man olla / nink omma Hähld töisite kähndä: Sest minna olle katte Kaalo pähl teije perräst. |
21. | Ütlege mulle / teije / kumma tahate Sähdusse al olla / es teije Sähdust olle kuhlnu? |
22. | Sest kirjotet om / et Abrahamil olli katz Poiga: Ütz Neutzikust / nink ütz Wabbast. |
23. | Ent kä Neützikust olli / se om Leha perrä sündinu: Ent kä Wabbast olli / se om läbbi Towotusse sündinu. |
24. | Neil Sönnul om omma Tähendäminne: Sest nesamma omma ne katz Leppingo: Ütz Sina Mäest / kumb Sullasesz sünnitäb / se om Agar. |
25. | Sest Agar om Sina / se Mäggi Arabia Mahl / nink om se Jerusalemmi arwolinne / kumb nühd om / kumb omme Laste ga orjab. |
26. | Ent Jerusalem / kumb üllewän om / se om se Wabba / kumb meije kike Emmä om. |
27. | Sest kirjotet om: Olle röhmsa sinna Sugguta / kä Ilmale ei toh: Tösta Hähld nink heika / kä Rasse ei olle / sest sel / kä ützindä om / om ennämb Latzi / kui sel / kel Mehs om. |
28. | Ent meije Wellitze / olleme kui Isaak / Towotusse Latze. |
29. | Ent ötze kui sis se / kä Leha perrä olli sündinu / seddä perränkiusas / kä Waimo perrä olli sündinu: Nida kah nühd. |
30. | Ent mes Kirri ütleb? Heidä wäljä Neützikut / nink temmä Poiga: Sest Neütziko Poig ei peä mitte perrändämä Wabba Poja ga. |
31. | Sis ei olle meije nühd / Wellitze / Neütziko / enge Wabba Latze.) |
1. | Sis saiske nühd Wabbaussen / kum̃a ga Kristus meid om wabbandanu / nink erge laske hendä jälle Orjusse Ikke panna. |
2. | Nätze / minna Pahwel ütle teile / kui teije hendä lassete ümbreleigata / sis ei tulle teile Kristus middäke tarbis. |
3. | Ent minna tunnista taas eggaüttele Innimisselle / kä hendä lasseb ümbreleigata / et temmä om wölgo terwet Sähdust piddädä. |
4. | Teije ollete Kristust erräkaotanu / kumma läbbi Sähdusse tahate öigesz sahda / teije ollete Armust erräsaddanu. |
5. | Sest meije ohdame Waimun Ussust Öigusse Lohtust. |
6. | Sest Kristussen Jesussen ei köchta Ümbreleikamine / ei kah Eennachk middäke / enge Usk / kumb läbbi Armo teggijä om. |
7. | Teije johsite häste: Kes om teid keelnu Töttet kuhlmast? |
8. | Se Ussutaminne ei olle mitte sest / kä teid om kutznu. |
9. | Weidi Juhretust tehb terwet Taignet hapnesz. |
10. | Minna lohda teist Issandan / et teil ei sah ütteke muhd Möttet ollema: Ent kä teid erräessitab / se sahb omma Kohut kandma / temmä olgo / kes temmä eäle om. |
11. | Ent kui minna / Wellitze / weel Ümbreleikamist juttusta / mes sis minno weel perränkiusatas? Sis ollesz jo Risti Pahandus errälöpnu. |
12. | Och et kah neid errähäetetasz / kumma teid hukkutawa. |
13. | Sest teije / Wellitze / ollete Wabbausse kutzutu: Kajege ennege / et teije läbbi Wabbausse Lehalle Mahd ei anna / enge orjage töine töist läbbi Armo. |
14. | Sest kik Sähdus teüdetäs ütten Sönnan / se sissen: Armasta omma Lähembät / kui hendä essi. |
15. | Ent kui teije töine töist purrete nink söhde / sis kajege / et teid töine töisest errä ei neeltä. |
16. | Ent minna ütle: Keüge Waimun / sis ei sah:teije Leha Himmomitte teütmä. |
17. | Sest Leha himmustab wasta Waimo: Nink Waim wasta Leha. Nesamma omma töine töise wasta / et teije seddä ei teh / mes teije tahate. |
18. | Ent kui teid Waimust weetäs / sis ei olle teije mitte Sähdusse al. |
19. | Ent Leha Teo omma awwalikko: Kumma omma / Abbiellorikminne / Portminne / Rojus / Türakus / |
20. | Währ-Jummala Palleminne / Nöidminne / Wain / Rihd / Wehastelleminne / Weha / Törra / Tülli / kawwal Oppetaminne / |
21. | Kaddeus / Röhwminne / Lihgjohminne / Lihgsöhminne / n. mes nisuggust ennämb om / kumbe minna teile enne ütle / nida kui minna kah enne olle üttelnu / et kumma nisuggust teggewä / ne ei sah Jummala Rikkust mitte perrändämä. |
22. | Ent Waimo Suggu om Arm / Röhm / Rauw / Pikmeel / Söbbrus / Heldus / Usk / Tassaus / Puchta Ello Piddäminne. |
23. | Sährätzide wasta ei olle Sähdust mitte. |
24. | Ent kumma Kristusse perrält omma / ne pannewa omma Leha Risti / Himmo nink Tachtmiste ga.) |
25. | Kui Meije Waimun elläme / sis keügem kah Waimun. |
26. | Errä olgem tüchjä Auwo pühdjä / töine töist wehastama / nink töine töist wichkama. |
1. | Wellitze / kui Inniminne waest ütte Essitusse sisse johusz / sis sahtke teije / kumma Waimolisse ollete / teddä jälle Assemelle / tassatze Waimuga. Nink kaje essi hendä / et sinno kah ei kiusata. |
2. | Kandke töine töise Kohrmat / nink nida sahdeKristusse Sähdustteütmä. |
3. | Sest kui keäke hendä mötleb middäke ollewat / kunna temmä jo middäke ei olle / sis pettäb temmä hendä essi errä. |
4. | Ent eggaütz kiusake omma Tekko / nink sis sahb tel hennest ützindä Kitmist ollema / nink ei mitte töisest. |
5. | Sest eggaütz sahb omma Kohrmat kandma. |
6. | Ent kä Sönnaga oppetetas / se jaggago kah kigesuggust Hähd selle / kä teddä oppetab. |
7. | Erge essige mitte: Jummal ei lasse hendä mitte nahrda: Sest mes Inniminne külwäb / seddä sahb temmä kah poimama. |
8. | Kä omma Leha pähle külwäb / se sahb Leha pählt Errärikmist poimama: Ent kä Waimo pähle külwäb / se sahb Waimust iggawest Ello poimama. |
9. | Ent erräwässikem mitte errä Hähd tetten: Sest meije sahme kah ommal Ajal poimama / kui meije Mötten nörgasz ei läh. |
10. | Kunna meil nühd Aiga om / sis tekkem kigille Hähd / ent kige ennämbest neile / kumma meije Usku omma.) |
11. | Kajege / mähräst suhrt Rahmatut minna teile omma Käega olle kirjotanu. |
12. | Mitto hendä tachtwa wastawötlikkusz tettä Leha perrä / ne wäetäwä teid hendä ümbreleikama / et neid ennege Kristusse Risti ga ei peä perränkiusatama. |
13. | Sest noke / kumma omma ümbreleigatu / ei peä Sähdust mitte: Enge nemmä tachtwa teid ümbreleigata / et nemmä hendä teije Lehan kittässe. |
14. | Ent mul errasündko se mitte / et minna hendä (minki muh sissen) peäsz kitmä / kui ützindä meije Issanda Jesusse Kristusse Ristin: Kumma läbbi Ilm mulle om Risti pohdu / nink minna Ilmale. |
15. | Sest Kristussen Jesussen ei köchta Ümbreleikaminne / ei kah Eennachk middäke / enge wastne Lohd-Assi. |
16. | Nink mitto sesinatze Möhdolanga perrä keüwä / neide ülle olgo Rauw / nink Hallestus / nink ülle Jummala Israeli. |
17. | Pähle se errä tekko mulle keäke ennämb Waiwa: Sest minna kanna Issanda Jesusse Kristusse Tächte omma Iho küllen. |
18. | Meije Issanda Jesusse Kristusse Arm olgo teije Waimuga / Wellitze. Amen. |