| 1. | PAHWEL n. Silwanus / nink Timoteus / Tessalonikide Koggodusselle / Jummalan meije Issän / nink Issandan Jesussen Kristussen. |
| 2. | Arm olgo teijega / nink Rauw Jummalast meije Issäst / n. Issandast Jesussest Kristussest. |
| 3. | Meije olleme wölgo / ikkes teije eest Jummalat tennädä / Wellitze / nida kui sünnis / sest teije Usk kaswab wäega / nink eggaütte Arm teije kike seän wöttab Wehrd töine töise wasta: |
| 4. | Nida / et meije hendä teist kittäme Jummala Koggodussin / teije Kannatamisse nink Ussu perräst kigen omman Perränkiusatussen / nink Willitzussen / kumbe teije kannatate: |
| 5. | Jummala öige Kochto Üllesneütmissesz / et teije Jummala Rikkusse währt sahsse / kumma perräst teije kah kannatate: |
| 6. | Sest Jummala man om Öigust / neile Willitzust tassoda / kumma teile Willitzust sahtwa. |
| 7. | Nink teile / kumma Willitzust kannatate / meijega Hengüst / Issanda Jesusse Awwaldamissen Taiwast / omma Wäe Englidega / |
| 8. | Tulle Kirren / neile tassoma / kumma Jummalat ei tunne / nink kumma meije Issanda Jesusse Kristusse Armo Oppust ei kuhle: |
| 9. | Kumma Sundussesz sahwa kannatama iggawest Hukkatust / Issanda Palgest / nink temmä Wäe Auwustussest: |
| 10. | Kui temmä sahb tullema / üllesauwustetus sahma ommin Pöhin / nink Immesz pantama kigin Uskjin / (et meije Tunnistus teije man om ussutu) tolsammal Peiwäl.) |
| 11. | Seperräst peäme kah ikkes teije eest Palwust / et meije Jummal teid Kutzmisse währt tehsz / nink teüdäsz kik Heldusse Hähmeeld / nink Ussu Töhd Wäen: |
| 12. | Et meije Issanda Jesusse Kristusse Nimme teije sissen auwustetasz / nink teid temmä sissen / meije Jummala nink Issanda Jesusse Kristusse Armo perrä. |
| 1. | Ent meije palleme teid / Wellitze / meije Issanda Jesusse Kristusse Tullemisse / nink meije Kokkosahmisse perräst temmä mannu / |
| 2. | Et teije hendä pea ei lasse lihgutada Möttest / ei kah heiditädä / ei läbbi Waimu / ei kah läbbi Sönna / ei kah läbbi Rahmato / ötze kui tullesz se meist / et Kristusse Peiw peäsz lähükessen ollema: |
| 3. | Keäke erräpetko teid minkisuggutzel kombel: Sest se ei tulle mitte / kui Errätagganeminne enne ei tulle / nink se Pattu Inniminne / nink Erräkaddomisse Poig ei awwaldeta / |
| 4. | Kä wastapanneb / nink hendä üllendäb ülle kige / mes Jummalasz nink Jummala Orjussesz ütteldäs / nida et temmä kui Jummal Jummala Koan istub / nink neüdäb hendä Jummala ollewat. |
| 5. | Es teije mälletä / et minna teile seddä ütli / kui minna weel teije man olli? |
| 6. | Nink nühd tijäte / mes seddä weel wiwitäb / et temmä awwalikkusz sahsz ommal Ajal: |
| 7. | Sest se Üllekochto Sallaus lihgus jo / ennege et se / kä seddä nühd wiwitäb / peäb erräsahma. |
| 8. | Nink sis sahb se Sähdusseta awwaldetama / keddä Issand sahb errähäetämä omma Suh Waimoga / nink löppetama läbbi omma Tullemisse Awwaldamisse seddä / |
| 9. | Kumma Tulleminne om Satana Teggemisse perrä / kigesuggutzen wallelikkun Wäen / nink Tächten nink Immen / |
| 10. | Nink kigen Üllekochto Pettussen neide seän / kumma hukka sahwa: Seperräst et nemmä Töisidusse Armastamist ei olle wasta wötnu / et nemmä önsasz sahsse: |
| 11. | Nink seperräst sahb neile Jummal lähätämä wäggewät Essitust / et nemmä Wallet sahwa uskma: |
| 12. | Et kik sunnitasz / kumma Töttet ei olle usknu / enge omma Meelehähd piddänu Üllekochtust. |
| 13. | Ent meije olleme wölgo / ikkes Jummalat tennädä teije perräst / Issandast armastetu Wellitze / et Jummal teid Algmissest Önnistusselle om erräwallitzenu / Waimo Pöhändämissen / nink Tötte Ussun: |
| 14. | Kumma sisse temmä teid om kutznu / läbbi meije Armo Oppusse / meije Issanda Jesusse Kristusse Auwustusse Ommandussesz. |
| 15. | Sis saiske nühd Wellitze / nink piddäge neid Oppussid / kumbe teije ollete opnu / olgo läbbi Sönna / echk läbbi meije Rahmato. |
| 16. | Ent meije Issand Jesus Kristus essi / nink Jummal / nink meije Essa / kä meid om armastanu / nink iggawest Röhmustamist nink hähd Lohtust andnu Armun / |
| 17. | Se mannitzego teije Söämid / nink kinnitago teid kigen hähn Sönnan nink Töhn. |
| 1. | Pähle se / Wellitze / piddäge Palwust meije eest / et Issanda Sönna johsesz / nink auwustetasz / nida kui teijeke man: |
| 2. | Nink et meid erräpästetäsz neist tiggest n. kurjast Innimissist: Sest kike man ei olle Usku. |
| 3. | Ent Issand om ussutaw / kä teid sahb kinnitämä nink Kurja eest hoitma. |
| 4. | Ent meil om Lohtust Issandan teije pähl / et teije seddä kah tehde / nink sahde teggemä / mes meije teid kässeme. |
| 5. | Ent Issand sähdko teije Söämid Jummala Armo / nink Kristusse Kannatamisse pähle. |
| 6. | Ent meije kässeme teid / Wellitze / meije Issanda Jesusse Kristusse Nimmel / eggaütte Welle tagganada / kä Körrata keüb / nink ei mitte se Oppusse perrä / kumba temmä meilt om sahnu. |
| 7. | Sest teije tijäte essi / kuitao teil sünnis meije Mährdlejä olla: Sest meije ei olle Körrata teije seän keünu: |
| 8. | Ei kah kenki man ilma Leibä söhnu: Enge Töhn nink Waiwan / Öh nink Peiwä Töhd tetten / et meije teist keddäke es rassendasz. |
| 9. | Eimitte / et meil Woimust es ollesz / enge et meije hendä essi teile Eenkojusz annasse / meije Mährdlejä olla. |
| 10. | Sest kui meije kah teije man ollime / sis käsksime teile seddä / et / kä ei taha Töhd tettä / se ei peä kah mitte söhmä. |
| 11. | Sest meije kuhleme mönda teije seän kurja Kombe perrä keüwät / nink eimitte Töhd teggewät / enge tüchjä Asja ajawat. |
| 12. | Ent nisuggutzid kässeme / nink mannitzeme neid / läbbi meije Issanda Jesusse Kristusse / et nemmä raholikkult Töhd tetten neide omma Leibä söhwä. |
| 13. | Ent teije / Wellitze / erge wässige mitte errä / hähd tetten. |
| 14. | Ent kä meije Sönna Rahmatun ei taha kuhlda / seddä tähendäge: Nink erge seggäge hendä tem̃ä sekkä / et telle Häbbi sahsz. |
| 15. | Siski erge piddäge teddä kui Wainlast / enge nohmke teddä kui Welle. |
| 16. | Ent temmä / se Raho Essand essi / andko teile Rauwo kigin Paigun / nink kige wärki: Issand olgo teije kikega. |
| 17. | Terwitäminne minno Pahwli Käega / se om Tächt kigin Rahmatun: Nida kirjota minna: |
| 18. | Meije Issanda Jesusse Kristusse Arm olgo teije kikega. Amen. |
