| 1. | Se mes Algmissest olli / mes meije olleme kuhlnu / mes meije omme Silmiga olleme nännu / mes meije olleme kajenu / nink meije Käe omma putnu Ello Sönnast: |
| 2. | (Nink Ello om awwaldetu / nink meije olleme nännu / nink tunnistame / nink kuhlutame teile iggawest Ello / kumb olli Essa man / nink om meile awwaldetu.) |
| 3. | Mes meije olleme nännu nink kuhlnu / seddä kuhlutame teile / et teil kah Ossaust ollesz meijega: Nink meije Ossaus ollesz Issäga / nink temmä Poja Jesusse Kristussega. |
| 4. | Nink meije kirjotame teile seddä / et teije Röhm täwwelik ollesz. |
| 5. | Nink se om se Kuhlutaminne / kumba meije temmäst olleme kuhlnu / nink kuhlutame teile / et Jummal om Walgus / n. ütteke Pimmedust ei olle temmä sissen. |
| 6. | Kui meije ütleme / et meil om Ossaust temmäga / nink keüme Pimmedän / sis wölsime / nink ei teh mitte Töttet: |
| 7. | Ent kui meije Walgen keüme / nida kui temmä Walgen om / sis om meil Ossaust töine töisega / nink Jesusse Kristusse temmä Poja Werri pohastab meid kigest Pattust. |
| 8. | Kui meije ütleme / et meil ei olle Pattu / sis pettäme hendä essi errä / nink Töttet ei olle mitte meije sissen. |
| 9. | Kui meije omme Pattu üllestunnistame / sis om temmä ussutaw nink öige / et temmä meile Pattu andisannab / n. pohastab meid kigest Üllekochtust. |
| 10. | Kui meije ütleme / et meije ei olle mitte Pattu tennu / sis tehme teddä Wölsjasz / nink temmä Sönna ei olle mitte meije sissen. |
| 1. | Minno Latzekesse / minna kirjota teile seddä / et teije Pattu es tehsz: Nink kui keäke Pattu tehb / sis om meil Eensaisjat Essä man / Jesus Kristus / se Öige. |
| 2. | Nink temmä om Erräleppitäminne meije Pattu eest: Ent ei ützindä meije / enge kah koggona Ilma Pattu eest. |
| 3. | Nink sest moistame / et meije teddä tunneme / kui meije temmä Käsku peäme. |
| 4. | Kä ütleb / minna tunne teddä / nink ei peä mitte temmä Käsku / se om Wölsja / nink temmä sissen ei olle Töttet: |
| 5. | Ent kä temmä Sönna peäb / se sissen om tööst Jummala Arm täwwelikkult. Sest tunneme / et meije temmä sissen olleme. |
| 6. | Kä hendä ütleb temmä sisse jähwät / se peäb kah nida keümä / kui temmä om keünu. |
| 7. | Wellitze / minna ei kirjota teile mitte wastset Käsku / enge wanna Käsku / kumba teil Algmissest om olnu. Se wanna Käsk om se Sönna / kumba teije Algmissest ollete kuhlnu. |
| 8. | Jälle kirjota minna teile wastset Käsku / kumb töttelik om temmä sissen / nink teije sissen: Sest Pimmedus om möhdä lännu / nink töttelik Walgus paistab nühd. |
| 9. | Kä hendä ütleb Walgen ollewat / nink wichkab omma Welle / se om weel senni Ajani Pimmedän. |
| 10. | Kä omma Welle armastab / se jähb Walgette / nink Pahandust ei olle mitte temmä sissen. |
| 11. | Ent kä omma Welle wichkab / se om Pimmedän / nink keüb Pimmedän / nink ei tijä mitte kohe temmä lät / sest Pimmedus om temmä Silmi erräsöggendanu. |
| 12. | Minna kirjota teile / Latzekesse / et teije Pattu sahwa andis antus / läbbi temmä Nimme. |
| 13. | Minna kirjota teile / Wannamba / et teije seddä tunnete / kä Algmissest om. Minna kirjota teile / Nohre / et teije Kurja ollete erräwährnu. Minna kirjota teile / Latze / et teije Essä ollete tundnu. |
| 14. | Minna olle teile kirjotanu / Wannamba / sest teije ollete seddä tundnu / kä Algmissest om. Minna olle teile kirjotanu / Nohre / et teije kange ollete / nink Jummala Sönna teije sisse jähb / nink ollete Kurja erräwährnu. |
| 15. | Erge armastage seddä Ilma / ei kah seddä / mes Ilman om. Kä Ilma armastab / se sissen ei olle Essa Arm mitte: |
| 16. | Sest kik mes Ilman om / Leha Himmo / nink Silmä Himmo / nink körk Ello / se ei olle mitte Issäst / enge se om Ilmast. |
| 17. | Nink se Ilm lät hukka / nink temmä Himmo: Ent kä Jummala Tachtmist tehb / se jähb iggäwesz. |
| 18. | Latzekesse / wihmne Aig om: Nink nida kui teije ollete kuhlnu / et Wast-Kristus tulleb / nink nühd omma kah paljo Wast-Kristusse sahnu: Sest tunneme / et wihmäne Aig om. |
| 19. | Nemmä omma meist wäljä lännu / ent nemmä es olle mitte meist: Sest kui nemmä meist ollesse olnu / sis ollesse nemmä meije mannu jähnu: Enge et nemmä awwalikkusz sahsse / et nemmä kik meist ei olle. |
| 20. | Nink teil om Woidminne Pöhäst / nink tijäte kik. |
| 21. | Minna ei olle teile mitte kirjotanu / et teije Töttet ei tijä / enge et teije seddä tijäte / nink et ützik Wöls Töttest ei olle. |
| 22. | Kes om Wölsja / kui ennege se / kä errä salgab / et Jesus ei olle Kristus? Se om se WastKristus / kä erräsalgab Essä nink Poiga. |
| 23. | Eggaütz / kä Poiga erräsalgab / sel ei olle kah Essä mitte. |
| 24. | Mes teije nühd Algmissest ollete kuhlnu / se jähgo teije sisse. Kui se teije sisse jähb / mes teije Algmissest ollete kuhlnu / sis sahde teije kah Poja nink Essä sisse jähmä. |
| 25. | Nink se om se Towotus / kumba temmä meile essi om towotanu / iggawest Ello. |
| 26. | Seddä olle minna teile neist kirjotanu / kumma teid essitäwä. |
| 27. | Nink se Woidminne / kumba teije temmäst ollete sahnu / jähb teije sisse / nink teil ei olle mitte waja / et teid keäke oppetasz: Enge nida kui teid sesamma Woidminne kigest oppetab / nink om töisi / nink ei olle mitte Walle: Nink ötze kui se teid om oppetanu / nida jähge se sisse. |
| 28. | Nink nühd Latzekesse / jähge temmä sisse: Ent / kui temmä awwalikkusz sahb / meil Julgust om / nink Häbbi temmä een ei sah / temmä Tullemissen. |
| 29. | Kui teije tijäte / et temmä öige om / sis teedke / et eggäütz / kä Öigust tehb / temmäst om sündinu. |
| 1. | Kajege / mähräst Armastamist Issä meile om andnu / et meije Jummala Latzisz kutzutame. Seperräst ei tunne Ilm teid mitte / sest temmä ei tunne teddä. |
| 2. | Arma / meije olleme nühd Jummala Latze / nink weel ei olle awwalikkusz sahnu / mes meije sahme ollema. Ent meije tijäme / et meije / kui se awwalikkusz sahb / sahme temmä arwolisse ollema: Sest meije sahme teddä näggemä nida kui temmä om. |
| 3. | Nink eggäütz / kel seddä Lohtust temmä pähle om / se pohastab hendä / nida kui temmä pohas om. |
| 4. | Eggäütz / kä Pattu tehb / se tehb kah Üllekohut: Nink Pat om Üllekohus. |
| 5. | Nink teije tijäte / et temmä om awwaldetu / et temmä meije Pattu erräwöttasz: Nink temmä sissen ei olle Pattu. |
| 6. | Kä temmä sisse jähb / se ei teh mitte Pattu: Kä Pattu tehb / se ei olle teddä mitte nännu / ei kah teddä tundnu. |
| 7. | Latzekesse / keäke errä essitägo teid: Kä Öigust tehb / se om öige / nida kui temmä öige om. |
| 8. | Kä Pattu tehb / se om Kurratist: Sest Kurrat pattub Algmissest. Seperräst om Jummala Poig hendä awwaldanu / et temmä Kurrati Tekko errähäetäsz. |
| 9. | Eggaütz / kä Jummalast om sündinu / se ei teh mitte Pattu / sest temmä Seemen jähb temmä sisse: Nink temmä ei woi mitte Pattu tettä / sest temmä om Jummalast sündinu. |
| 10. | Sest sahwa Jummala Latze nink Kurrati Latze awwalikkusz. Eggaütz / kä Öigust ei teh / se ei olle mitte Jummalast / nink kä omma Welle ei armasta: |
| 11. | Sest se om se Sönnum / kumba teije Algmissest ollete kuhlnu / et meije töine töist peäme armastama: |
| 12. | Eimitte nida kui Kain Kurjast olli / nink tap errä omma Welle. Nink melles temmä teddä errätap? Et temmä Teo kurja olliwa / ent tem̃ä Welle Teo öige. |
| 13. | Erge pange mitte Immesz / minno Welle / kui teid Ilm wichkab. |
| 14. | Meije tijäme / et meije Surmast olleme Ello tulnu / sest meije armastame Wellitzid: Kä Welle ei armasta / se jähb Surma. |
| 15. | Eggäütz / kä omma Welle wichkab / se om Röhwel: Nink teije tijäte / et ütteleke Röhwlil ei olle iggawenne Ello henne sissen jähdwä. |
| 16. | Sest olleme Armastamist tundnu / et temmä omma Ello meije eest om jätnu: Nink meije olleme wölgo Welliste eest Ello jättä. |
| 17. | Ent kel ilmlikko Pähtoitust om / nink näeb ommal Wellel waja ollewat / nink sulleb kinni omma Söänd temmä eest / kuis Jummala Arm temmä sisse jähb? |
| 18. | Minno Latzekesse / erräarmastakem mitte Sönnaga / ei kah Keelega / enge Töh nink Töttega.) |
| 19. | Nink sest tunneme / et meije Töttest olleme / nink woime omme Söämid temmä een waigistada. |
| 20. | Et / kui meije Süddä meid hukka panneb / sis om Jummal suhremb / kui meije Süddä / nink tunneb kik. |
| 21. | Arma / kui meid meije Süddä hukka ei panne / sis om meil Julgust Jummalat wasta: |
| 22. | Nink mes meije eäle sahme pallema / seddä sahme temmäst sahma / sest meije peäme temmä Käsku / nink tehme mes temmä Meeleperräst om. |
| 23. | Nink se om temmä Käsk / et meije ussusse temmä Poja Jesusse Kristusse Nimme sisse / nink töine töist armastasse / nida kui temmä meije Käsku om andnu. |
| 24. | Nink kä temmä Käsku peäb / se jähb temmä sisse / nink tem̃ä se sisse: Nink sest tunneme / et temmä meije sisse jähb / sest Waimust / kumba temmä meile om andnu. |
| 1. | Arma / erge uske eggäütte Waimo / enge kiusage Waimu / kas nemmä Jummalast omma: Sest paljo kawwala Proweeti omma Ilma sisse wäljä lännu. |
| 2. | Sest tundke Jummala Waimo: Eggaütz Waim / kä tunnistab / et Jesus Kristus om Leha sisse tulnu / se om Jummalast. |
| 3. | Nink eggäütz Waim / kä ei tunnista / et Jesus Kristus om Leha sisse tulnu / se ei olle mitte Jummalast: Nink se om WastKristusse Waim / keddä teije ollete kuhlnu tullewat / nink om jo nühd Ilman. |
| 4. | Teije ollete Jummalast / Latzekesse / nink ollete neid erräwährdnu: Sest kä teije sissen om / se om suhremb seddä / kä Ilma sissen om. |
| 5. | Nemmä omma Ilmast / seperräst pajatawa nemmä Ilmast / nink Ilm kuhleb neid. |
| 6. | Meije olleme Jummalast: Kä Jummalat tunneb / se kuhleb meid: Kä Jummalast ei olle / se ei kuhle meid mitte. Sest tunneme Töisidusse Waimo / nink Essitusse Waimo. |
| 7. | Arma / armastakem töine töist / sest Arm om Jummalast: Nink kä armastab / se om Jummalast sündinu / nink tunneb Jummalat. |
| 8. | Kä ei armasta / se ei tunne Jummalat mitte: Sest Jummal om Arm. |
| 9. | Se sissen om Jummala Arm awwaldetu meije wasta / et Jummal omma ainosündinu Poiga Ilma sisse om lähätänu / et meije temmä läbbi ellässe. |
| 10. | Se sissen om Arm / eimitte / et meije Jummalat olleme armastanu / enge et temmä meid om armastanu / nink omma Poiga Leppitämissesz lähätänu meije Pattu eest. |
| 11. | Arma / kui Jummal meid nida om armastanu / sis olleme meije kah wölgo töine töist armastada. |
| 12. | Jummalat ei olle eäle ützike nännu. Kui meije töine töist armastame / sis jähb Jum̃al meije sisse / nink temmä Arm om täwwelik meije sissen. |
| 13. | Sest tunneme / et meije temmä sisse jähme / nink temmä meije sisse / et temmä meile ommast Waimust om andnu. |
| 14. | Nink meije olleme nännu / nink tunnistame / et Issä om lähätänu Poiga Ilma Önnisteggijäsz. |
| 15. | Kä nühd tunnistab / et Jesus om Jummala Poig / se sisse jähb Jummal / nink temmä Jummala sisse. |
| 16. | Nink meije olleme tundnu nink usknu seddä Armo / mes Jummalal meije wasta om. Jummal om Arm: nink kä Armo sisse jähb / se jähb Jummala sisse / nink Jummal temmä sisse. |
| 17. | Se sissen om Arm täwwelik meije man / et meil Julgust om Kochto Peiwäl / sest ötze kui temmä om / nida olleme meije kah sensinatzen Ilman. |
| 18. | Armun ei olle mitte Pelgo / enge täwwelik Arm ajab Pelgo wäljä: Sest Peljul om Waiwa: Ent Pelgäjä ei olle mitte täwwelik Armun. |
| 19. | Armastakem teddä / sest temmä om meid eesmält armastanu. |
| 20. | Kä ütleb: Minna armasta Jummalat / nink wichkab omma Welle / se om Wölsja: Sest kä omma Welle ei armasta / keddä temmä näeb / kuis temmä Jummalat woib armastada / keddä temmä ei näe? |
| 21. | Nink se Käsk om meil temmäst / et kä Jummalat armastab / se armastago kah omma Welle.) |
| 1. | Eggäütz / kä ussub / et Jesus om Kristus / se om Jummalast sündinu: Nink eggäütz / kä seddä armastab / kä teddä om sünnitänu / se armastab kah seddä / kä temmäst om sündinu. |
| 2. | Sest tunneme / et meije Jummala Latzi armastame / kui meije Jummalat armastame / nink peäme temmä Käsku: |
| 3. | Sest se om Jummala Arm / et meije temmä Käsku peäme: Nink temmä Kässu ei olle mitte rasseda. |
| 4. | Sest kik / mes Jummalast om sündinu / se währäb Ilma errä: N. se om se Woimus / kumb Ilma om erräwährnu / meije Usk. |
| 5. | Kes om / kä Ilma erräwähräb / kui se / kä ussub / et Jesus om Jummala Poig? |
| 6. | Se om sesamma / kä tulleb Wee nink Werrega / Jesus Kristus: Ei ützindä Weega / enge Wee nink Werrega: Nink Waim om / kä tunnistab / sest Waim om Tötte. |
| 7. | Sest kolm omma / kumma tunnistawa Taiwan / Essä / Sönna / nink pöhä Waim: Nink ne kolm omma ütz. |
| 8. | Nink kolm omma / kumma tunnistawa Mah pähl / Waim / Wessi / nink Werri: Nink ne kolm omma ütten koon. |
| 9. | Kui meije Innimiste Tunnistust wastawöttame / sis om Jummala Tunnistus suhremb: Sest se om Jum̃ala Tunnistus / kumba temmä ommast Pojast om tunnistanu. |
| 10. | Kä Jummala Poja sisse ussub / sel om Tunnistust henne sissen: ) Kä Jummalat ei ussu / se tehb teddä Wölsjasz / sest temmä ei ussu seddä Tunnistust mitte / kumba Jummal ommast Pojast om tunnistanu. |
| 11. | Nink se om se Tunnistus / et Jummal meile iggawest Ello om andnu: Nink sesamma Ello om temmä Poja sissen. |
| 12. | Kel seddä Poiga om / sel om Ello: Kel Jummala Poiga ei olle / sel ei olle Ello mitte. |
| 13. | Seddä olle minna teile kirjotanu / kumma ussute Jummala Poja Nimme sisse: Et teije tijässe / et teil iggawest Ello om / nink et teije ussusse Jummala Poja Nimme sisse. |
| 14. | Nink se om se Julgus / mes meil temmä wasta om / et kui meije middäke temmä Meele perrä palleme / sis kuhleb temmä meid. |
| 15. | Nink kui meije tijäme / et temmä meid kuhleb / mes meije eäle palleme / sis tijäme / et meil neid Palwid om / mes meije temmäst olleme pallelnu. |
| 16. | Kä omma Welle näeb Pattu patwat eimitte Surmasz / se pallego / nink temmä sahb telle Ello andma / kumma Surmasz Pattu ei teh. Pat om Surmasz: Se eest ei kässe minna mitte pallelda. |
| 17. | Kik Üllekohus om Pat: Nink Pat om / kumb Surmasz ei olle. |
| 18. | Meije tijäme et / kä Jummalast om sündinu / se ei teh mitte Pattu: Enge kä Jummalast om sündinu / se hoijab hendä essi / nink Kurri ei puttu teddä mitte. |
| 19. | Meije tijäme / et meije Jummalast olleme / nink koggona Ilm makkab Kurjussen. |
| 20. | Ent meije tijäme / et Jummala Poig om tulnu / nink meile Moistust andnu / et meije Töisist tunneme. Nink meije olleme Töisitzen / temmä Poja Jesusse Kristusse sissen: Sesinane om se töttelik Jummal / nink iggawenne Ello. |
| 21. | Latzekesse / hoitke hendä Währ-Jummalide eest. Amen. |
