Guillaume Apollinaire
Prantsuse keelest Lauri Sommer
MIRABOO SILD
Seeni jyykõnõ juusk miq hoitmisiga yteh
s´oo Miraboo silla alt läbi
kas om yks meeleh tuu, et ilo tulõ
kygõ halu perrä
Kelläkene noq üü alostust lüü, päävaq lääväq jo arq, ma-ks kygõ viil ooda
Ütte põimit ommaq silmaq ni käeq, a tah all
mi üsähtüisi sillast
müüdä lätt igäväne väsütside kaehuisi vuur´
Kelläkene noq üü alostust lüü, päävaq lääväq jo arq, ma-ks kygõ viil ooda
Hoitminõ arq lätt niguq vesi
hoitminõ lätt – võeh, aiglanõ kylh om taa elo
ja rassõhõhõ vaotas miq pääle lootus
Kelläkene noq üü alostust lüü, päävaq lääväq jo arq, ma-ks kygõ viil ooda
Kaovaq päävaq ni nädäliq
tulõ-i imp tagasi olnuq aig ei armuq
Sein ynnõ juusk Miraboo silla all
Kelläkene noq üü alostust lüü, päävaq lääväq jo arq, ma-ks kygõ viil ooda
Guillaume Apollinaire
Hasso Krull
Maarja Kangro
sisu